bjd gruha runa banner

ବାତ୍ୟା ଆତଙ୍କ ଟଳିଥିଲେ ମଧ୍ୟ ସମୁଦ୍ର ଅଶାନ୍ତ

BSKY banner  750×100

ଗୋପାଳପୁର: ବଙ୍ଗପୋସାଗରରେ ସୃଷ୍ଟି ହୋଇଥିବା ବାତ୍ୟା ୟାସ୍ ବୁଧବାର ସନ୍ଧ୍ୟା ସୁଦ୍ଧା ଓଡିଶା ଛାଡି ଝାଡ଼ଖଣ୍ଡ ମୁହାଁ ହୋଇଥିବା ବେଳେ ଗଞ୍ଜାମ ଜିଲାରେ ବାତ୍ୟାର‌ କୌଣସି ପ୍ରଭାବ ଦେଖିବାକୁ ମିଳିନଥିଲା। ବୁଧବାର ଆଜି ଦିନ ତମାମ ଆକାଶ ମେଘାଚ୍ଛନ୍ନ ରହିଥିବା ବେଳେ ସାମାନ୍ୟ ପବନ ବୋହୁଥିବା ଦେଖିବାକୁ ମିଳିଥିଲା। ଏଥି ସହ ଆଜି ବୌଦ୍ଧ ପୂର୍ଣ୍ଣିମା ଥିବାରୁ ସମୁଦ୍ର ଅଶାନ୍ତ ରହିବା ସହ ଉଚ୍ଚ ଜୁଆର ରହିବା ସହ ସମୁଦ୍ରର ଜଳରାଶି କୁଳ ଛୁଉଁଥିବା ଦେଖିବାକୁ ମିଳିଛି।

 

 

ମଙ୍ଗଳବାର ଦିନ ବାତ୍ୟା କୁ ନଜର ରେ ରଖି ଗୋପାଳପୁର ବନ୍ଦରକୁ ୩ ନମ୍ବର ବିପଦ ସଙ୍କେତ ଦିଆଯାଇଥିବା ବେଳେ ବୁଧବାର ମଧ୍ୟ ଏଠାରେ ବିପଦ ସଂକେତ ୩ ଜାରି ରହିଥିବା ଗୋପାଳପୁର ପାଣିପାଗ ବିଭାଗ କାର୍ୟ୍ୟାଳୟ ପକ୍ଷରୁ କୁହାଯାଇଛି। ସମୁଦ୍ର ଅଶାନ୍ତ ଥିବାରୁ ଗୁରୁବାର ଅପରାହ୍ଣ ପର୍ଯ୍ୟନ୍ତ ମତ୍ସ୍ୟଜୀବୀମାନଙ୍କୁ ସମୁଦ୍ରକୁ ମାଛ ମାରି ବାକୁ ଯିବା ପାଇଁ ସମ୍ପୂର୍ଣ୍ଣ ଭାବେ ବାରଣ କରାଯାଇଛି। ପ୍ରଶାସନ ପକ୍ଷରୁ ବାତ୍ୟା ଆଶଙ୍କା ଥିବାରୁ ବୁଧବାର ଦିନ ବେଳାଭୂମି କଡ ଏବଂ ତଳିଆ ଅଞ୍ଚଳରେ କଚ୍ଚା ଘରେ ରହୁ ଥିବା ଲୋକଙ୍କୁ ଚିହ୍ନଟ ହୋଇଥିବା ବାତ୍ୟା ଆଶ୍ରୟସ୍ଥଳୀକୁ ସ୍ଥାନାନ୍ତର କରାଯାଇଥିଲା। ଆଜି ବାତ୍ୟା ଆଶଙ୍କା ଟଳି ଥିବାରୁ ଅପରାହ୍ଣରେ ସମସ୍ତ ଲୋକ ନିଜ ନିଜ ଘରକୁ ଫେରିଥିବା ଏନଏସି ନିର୍ବାହୀ ଅଧିକାରୀ ପ୍ରାଣନାଥ ସେଠ ସୂଚନା ଦେଇଛନ୍ତି।

Comments are closed.