ଭାରତୀୟ କ୍ରିକେଟ ଦଳର ସବୁଠୁ ସଫଳ ଅଧିନାୟକ, ବିଶ୍ଵର ଅନ୍ୟତମ ଶ୍ରେଷ୍ଠ ଫିନିସର ‘କ୍ୟାପଟେନ୍ କୁଲ୍’ ମହେନ୍ଦ୍ର ସିଂହ ଧୋନୀଙ୍କ ବ୍ୟାଟିଂ ଯାଦୁ, ୱିକେଟ୍ କିପିଂର କୌଶଳ ଆଉ ଆନ୍ତର୍ଜାତିକ କ୍ରିକେଟରେ ଦେଖିବାକୁ ମିଳିବ ନାହିଁ ।
ଧୋନୀ ଭାରତୀୟ କ୍ରିକେଟ ଦଳକୁ ଏକ ନୂଆ ଶିଖରରେ ପହଞ୍ଚାଇଥିଲେ ଓ ଯୁବ ଖେଳାଳିଙ୍କୁ ନେଇ ବିଶ୍ଵର ଶ୍ରେଷ୍ଠ ଦଳରେ ପରିଣତ କରିବାରେ ସକ୍ଷମ ହୋଇଥିଲେ । ୧୯୮୧ ଜୁଲାଇ ୭ ତାରିଖରେ ଝାଡ଼ଖଣ୍ଡର ରାଞ୍ଚି (ତତ୍କାଳୀନ ବିହାର)ରେ ଜନ୍ମଗ୍ରହଣ କରିଥିବା ଧୋନୀ ୩୯ ବର୍ଷ ୩୯ ଦିନରେ ନିଜର ଅବସର ଘୋଷଣା କରିଛନ୍ତି ।
ଧୋନୀ ୯୦ଟି ଟେଷ୍ଟ ମ୍ୟାଚରେ ୧୪୪ ଇନିଂସ ଖେଳି ୪୮୭୬ ରନ୍ ସଂଗ୍ରହ କରିଛନ୍ତି । ତାଙ୍କର ଟେଷ୍ଟ ହାରାହାରି ରନ୍ ହେଉଛି ୩୮.୦୯ । ଟେଷ୍ଟରେ ତାଙ୍କର ସର୍ବାଧିକ ରନ୍ ରହିଛି ୨୨୪ ଏବଂ ସେ ୧୬ଟି ଶତକ, ୩୩ ଅର୍ଧଶତକ ହାସଲ କରିଛନ୍ତି । ଟେଷ୍ଟରେ ୫୪୪ ଚୌକା ଓ ୭୮ଟି ଛକ୍କା ମାରିବାର ରେକର୍ଡ଼ ତାଙ୍କ ନାମରେ ରହିଛି । ଟେଷ୍ଟରେ ତାଙ୍କର ସ୍କୋରିଂ ରେଟ୍ ରହିଛି ୫୯.୧୨ ।
୩୫୦ ଦିନିକିଆ ଖେଳିବାରେ ରେକର୍ଡ଼ ଧୋନୀଙ୍କ ନାଁରେ ରହିଛି । ସେ ୨୯୭ଟି ଇନିଂସ ଖେଳି ୧୦୭୭୩ ରନ୍ ସଂଗ୍ରହ କରିଛନ୍ତି । ତାଙ୍କର ଦିନିକିଆ ଆଭରେଜ ୫୦.୫୮ ଓ ସ୍କୋରିଂ ରେଟ୍ ୮୭.୫୬ । ଦିନିକିଆରେ ତାଙ୍କର ସର୍ବାଧିକ ରନ ହେଉଛି ୧୮୩ । ତାଙ୍କ ନାମରେ ୧୦ଟି ଶତକ, ୭୩ ଅର୍ଧଶତକ ରହିଛି । ଦିନିକିଆରେ ଧୋନୀ ୨୨୯ ଛକ୍କା ଓ ୮୨୬ ଚୌକା ମାରିଛନ୍ତି।
ମହେନ୍ଦ୍ର ସିଂହ ଧୋନୀ ୯୮ଟି ଟି-୨୦ ମ୍ୟାଚ୍ରେ ୮୫ ଇନିଂସ ଖେଳି ୧୬୧୭ ରନ୍ ସଂଗ୍ରହ କରିଛନ୍ତି । ଟି-୨୦ରେ ତାଙ୍କର ସ୍କୋରିଂ ରେଟ୍ ୧୨୬.୧୩ ଓ ହାରାହାରି ମ୍ୟାଚ୍ ରନ ୩୬.୭ । ଟି-୨୦ରେ ସେ ୪୨ଥର ଅପରାଜିତ ରହିଛନ୍ତି । ଏଥିରେ ସେ ୫୨ ଛକ୍କା ଓ ୧୧୬ ଚୌକା ମାରିଛନ୍ତି
ଆଇପିଏଲରେ ମଧ୍ୟ ଧୋନୀ ସବୁଠୁ ସଫଳ ଅଧିନାୟକ ରହିଛନ୍ତି । ୧୯୦ ମ୍ୟାଚରେ ୧୭୦ ଇନିଂସ ଖେଳି ୬୫ ଥର ଅପରାଜିତ ରହିଛନ୍ତି । ୧୩୭.୮୫ ସ୍କୋରିଂ ରେଟ୍ ସହ ୪୨.୨୧ ଆଭରେଜରେ ସେ ୪୪୩୨ ରନ୍ ସଂଗ୍ରହ କରିଛନ୍ତି । ଏହାମଧ୍ୟରେ ରହିଛି ୨୦୯ ଛକ୍କା ଓ ୨୯୭ ଚୌକା ।
