ବୌଦ୍ଧ : ବୌଦ୍ଧ ଜିଲ୍ଲା ଅବକାରୀ ବିଭାଗ ପକ୍ଷରୁ ଆଜି ପୃଥକ ପୃଥକ ଦୁଇଟି ସ୍ଥାନରେ ଚଢାଉ କରି ୧୩ କେଜି ଗଂଜେଇ ସହିତ ୨ଟି ବାଇକକୁ ଜବତ କରିଥିବା ବେଳେ ୪ ଜଣକୁ ଗିରଫ କରି କୋର୍ଟ ଚାଲାଣ କରାଯାଇଛି।
ଅବକାରୀ ସୂତ୍ରରୁ ପ୍ରକାଶ, କେନ୍ଦୁଝର ଜିଲ୍ଲାର ଅନୁରାଗ ସଙ୍ଖୁଆ(୨୩) ଓ ଦୀପକ ରଂଜନ ବାରିକ ଏକ ସ୍କୁଟିରେ ଫୁଲବାଣୀ ପଟୁ ଆସି ଚାରିଛକ ଦେଇ ୫୭ ନମ୍ବର ଜାତୀୟ ରାଜପଥରେ କେନ୍ଦୁଝର ଯାଉଥିବା ସମୟରେ ଅବକାରୀ ବିଭାଗ ପକ୍ଷରୁ ଝାଡରାଜିଙ୍ଗ ଗ୍ରାମ ନିକଟରେ ଚଢାଉ କରି ଗାଡିରୁ ୮ କିଲୋ ଗଂଜେଇ ଜବତ କରିଥିଲେ। ଗଂଜେଇ ଚାଲାଣ ଅଭିଯୋଗରେ ଉଭୟଙ୍କୁ ଗିରଫ କରିଥିଲେ। ସେହିପରି କନ୍ଧମାଳ ଜିଲ୍ଲା କେରେଡିଗୁଡା ଗ୍ରାମର ନରେଶ ନାଏକ(୩୦) ଓ ଅଶୋକ ବେହେରା ଏକ ବାଇକ ଯୋଗେ ଗଂଜେଇ ଧରି ଯାଉଥିବା ସମୟରେ ଅବକାରୀ ବିଭାଗ ମାଧପୁରଠାରେ ବାଇକ ଉପରେ ଚଢାଉ କରାଯାଇ ସେମାନଙ୍କ ଠାରୁ ୫ କିଲୋ ଗଂଜେଇ ଜବତ କରି ଉଭୟଙ୍କ ଗିରଫ କରିଥିଲେ। ଚଢାଉରେ ଅବକାରୀ ଇନିସପେକ୍ଟର ବିଜୟ କୁମାର ଧରୁଆ, ସବଇନିସପେକ୍ଟର ରମେଶ ଚନ୍ଦ୍ର ମହାନ୍ତି ପ୍ରମୁଖ ସାମିଲ ଥିଲେ।
