ସମାଜ ଡିଜିଟାଲ ଡେସ୍କ: ବିଶିଷ୍ଟ ଗାନ୍ଧୀବାଦୀ ପ୍ରଫେସର ପାବକ କାନୁନଗୋଙ୍କ ପରଲୋକ ଘଟିଛି। ତାଙ୍କୁ ୭୮ ବର୍ଷ ହୋଇଥିଲା। କଟକ ମର୍କତନଗରସ୍ଥିତ ତାଙ୍କ ବାସଭବନରେ କାନୁନଗୋଙ୍କ ପରଲୋକ ଘଟିଛି। ରାଜନୀତି ବିଜ୍ଞାନ ବିଭାଗର ପ୍ରଫେସର ଓ ମୁଖ୍ୟ ଭାବେ ସେ କଟକ ଖ୍ରୀଷ୍ଟ ମହାବିଦ୍ୟାଳୟରେ ବହୁବର୍ଷ ଧରି କାର୍ଯ୍ୟ କରିଥିଲେ। ରାଜ୍ୟର ଜଣେ ବିଖ୍ୟାତ ବୁଦ୍ଧିଜୀବୀ, ଶିକ୍ଷାବିତ ଡ. ପାବକ କାନୁନଗୋ ମହାତ୍ମା ଗାନ୍ଧୀଙ୍କ ଓଡ଼ିଶା ଆଗମନ, ସ୍ଵାଧୀନତା ସଂଗ୍ରାମର ଅନ୍ତୁଡିଶାଳ ଭାବେ ପରିଚିତ କଟକର ସ୍ଵରାଜ ଆଶ୍ରମ ସମ୍ପର୍କରେ ଉଚ୍ଚକୋଟିର ଗବେଷଣା ପୁସ୍ତକ ରଚନା କରି ପ୍ରସିଦ୍ଧି ଲାଭ କରିଥିଲେ। ଓଡ଼ିଶା ସାହିତ୍ୟ ଏକାଡେମୀ ପୁରସ୍କାରପ୍ରାପ୍ତ ଡ. ପାବକ କାନୁନଗୋ ଜ୍ଞାନମଣ୍ଡଳ ଫାଉଣ୍ଡେସନର ଅଧ୍ୟକ୍ଷ ଭାବେ ବହୁ ବର୍ଷ କାର୍ଯ୍ୟ କରିବା ସହିତ ଓଡ଼ିଆ ଭାଷାର ଏହି ଜ୍ଞାନକୋଷକୁ ଘରେ ଘରେ ପରିଚିତ କରାଇବାରେ ପ୍ରମୁଖ ଭୂମିକା ଗ୍ରହଣ କରିଥିଲେ। ପାବକ କାନୁନଗୋଙ୍କ ବିୟୋଗରେ ବିଭିନ୍ନ ମହଲରେ ଗଭୀର ଶୋକ ପ୍ରକାଶ ପାଇଛି।
Popular Categories
Previous article
Next article