ଠାକୁରମୁଣ୍ଡା : ଶିକାରୀଙ୍କ ଗୁଳିରେ ପୁଣି ଜଣେ ଫରେଷ୍ଟର ମୃତ । ଏଭଳି ଅଭାବନୀୟ ଘଟଣା ଘଟିଛି ଶିମିଳିପାଳ ଆଭ୍ୟନ୍ତର ଉପରବାରହାକାମୁଡା ରେଞ୍ଜ ନିକଟରେ। ଫରେଷ୍ଟର ମାଥି ହାଁସଦା ୧୬ ତାରିଖ ବିଳମ୍ବିତ ରାତି ପ୍ରାୟ ରାତି ୨.୩୦ ବେଳକୁ ଶିକାରୀ ଗୁଳିରେ ପ୍ରାଣ ହରାଇଛନ୍ତି । ତାଙ୍କୁ କରଞ୍ଜିଆ ଡାକ୍ତରଖାନା ଅଣାଯାଇଥିଲା। ରାତି ୩.୧୫ ରେ ଡାକ୍ତର ମାଥିଙ୍କୁ ମୃତ ଘୋଷଣା କରିଛନ୍ତି।
ଘଟଣାରୁ ପ୍ରକାଶଯେ ଶିମିଳିପାଳ ସାଉଥ ଡିଭିଜନରେ ୬ଜଣ ଶିକାରୀ ବନ୍ଧୁକ ସହ ପ୍ରବେଶ କରିଥିବା ବେଳେ ବନ କର୍ମଚାରୀ ମଧ୍ୟ ୬ ଜଣ ଥିଲେ। ଗମଚାଚରଣ ବିଟ ନିକଟରେ ମୁହାଁମୁହିଁ ଓ ଗୁଳି ବିନିମୟ ସମୟରେ ଉପରବାରହାକାମୁଡା ଫରେଷ୍ଟରଙ୍କ ଦେହରେ ଲାଗିଥିଲା ଗୁଳି । ସଙ୍ଗେ ସଙ୍ଗେ ତାଙ୍କୁ କରଞ୍ଜିଆ ଉପଖଣ୍ଡ ଚିକିତ୍ସାଳୟକୁ ଅଣାଯାଇଥିଲା ମାତ୍ର ବଞ୍ଚାଯାଇ ପାରିନଥିଲା। ତେବେ ଗୋଟିଏ ବନ୍ଧୁକ ଜବତ କରିଛି ବନ ବିଭାଗ l ଶିକାରୀଙ୍କୁ ଧରିବା ସମ୍ଭବ ହୋଇନି। କରଞ୍ଜିଆ ଡାକ୍ତରଖାନାରେ ଉତ୍ତର ଶିମିଳିପାଳର ଡେ଼ପୁଟି ଡ଼ାଇରେକ୍ଟର ସାଈ କିରଣ ଡିଏନ, କରଞ୍ଜିଆ ବନଖଣ୍ଡ ଅଧିକାରୀ ଶ୍ରୀକାନ୍ତ ନାଏକ, କରଞ୍ଜିଆ ଉପଖଣ୍ଡ ପୁଲିସ ଅଧିକାରୀ ତଦନ୍ତ ଆରମ୍ଭ କରିଛନ୍ତି । ଅନ୍ୟପଟେ ଏଇ ଘଟଣାକୁ ପୋଲିସ ଗୁରୁତର ସହିତ ନେଇ ଶିମିଳିପାଳ ଅଭୟାରଣ୍ୟର ବିଭିନ୍ନ ଜାଗାରେ ଚଢ଼ାଉ ଆରମ୍ଭ କରିଛି ।
Comments are closed.