କାମାକ୍ଷାନଗର : କାମାକ୍ଷାନଗର ପୂର୍ବାଞ୍ଚଳ ରେଞ୍ଜ ଅନ୍ତର୍ଗତ କଙ୍କଡ଼ାହାଡ଼ ପେଟ୍ରୋଲ ପମ୍ପ ନିକଟରୁ ବନବିଭାଗ ପାଟ୍ରୋଲିଂ କରୁଥିବା ବେଳେ ୫ ଜଣ ଶିକାରୀକୁ ଗିରଫ କରିଛି। ଗିରଫ ଅଭିଯୁକ୍ତ ମାନେ ତେଲକୋଇ ଥାନା ପୁରୁଯୋଡ଼ା ଗାଁର ବିକ୍ରମ ମୁଣ୍ଡା, ଦିକୁଲ ମୁଣ୍ଡା, ଭରତ ମୁଣ୍ଡା, ସରୋଜ ମୁଣ୍ଡା ଏବଂ ତୁରାମ ମୁଣ୍ଡା। ସେମାନଙ୍କଠାରୁ ପ୍ରାୟ ୧୦ କିଲୋଗ୍ରାମର ବାରହା ମାଂସ, ଗୋଟିଏ ମଲା ଗୋଧିକୁ ଜବତ କରାଯାଇଛି। ଏଥିସହିତ ଜନ୍ତୁ ଶିକାର ପାଇଁ ବ୍ୟବହୃତ ଦୁଇଟି ତେଣ୍ଟା ଓ ସେମାନେ ବ୍ୟବହାର କରୁଥିବା ସ୍କର୍ପିଓ ଗାଡିକୁ ମଧ୍ୟ ଜବତ କରାଯାଇଛି। ହିନ୍ଦୋଳ କୁଡ଼ିଆକାଟେଣୀ ଅଂଚଳରେ ଶିକାର କରି ସ୍କର୍ପିଓରେ ତେଲକୋଇ ଅଂଚଳକୁ ମାଂସ ନେଇ ଯାଉଥିବାବେଳେ ବନ ବିଭାଗ ହାତରେ ଧରାପଡିଛନ୍ତି। ତେବେ ଶିକାରୀ ମାନେ ହିନ୍ଦୋଳ ଅଞ୍ଚଳରୁ ରିତିମତ ଭାବେ ଶିକାର କରୁଥିଲେ ମଧ୍ୟ ସେଠାକାର ବନବିଭାଗ କିପରି ଜାଣିପାରିନଥିଲା ବୋଲି ପ୍ରଶ୍ନ ଉଠୁଛି । ଗିରଫ ପରେ ଅଭିଯୁକ୍ତମାନଙ୍କୁ କୋର୍ଟ ଚାଲାଣ କରାଯିବ ବୋଲି ରେଞ୍ଜର କୈଳାସ ଚନ୍ଦ୍ର ସାହୁ ପ୍ରକାଶ କରିଛନ୍ତି।
Popular Categories
Previous article
Next article