ଗୋପ: ଗୋପ ଥାନା ଅଧିନ ଷୋଳପୁର ସେତୁ ନିକଟରେ ପୂର୍ବ ଶତ୍ରୁତା କୁ ନେଇ ଗୁଳିମାଡ ହୋଇଛି । ଏହି ଗୁଳି କାଣ୍ଡରେ ରାହଁଗୋରଡା ପଞ୍ଚାୟତ ଓଲଣ୍ଡି ଗ୍ରାମର ସୁନାକର ମହାପାତ୍ର ଗୁରୁତର ହୋଇଛନ୍ତି ।
ସୂଚନା ଅନୁଯାୟୀ ପୁରୀରୁ କାମସାରି ଏକ ବାଇକ ରେ ଠିକାଦାର ଦାସରଥି ବେହେରା ଓ ସୁନାକର ମହାପାତ୍ର(୩୫) ଫେରୁଥିବା ବେଳେ ନାଗପୁର ନିକଟ ଷୋଳପୁର ଠାରେ ସୁଜାନଗର ଗ୍ରାମର ପ୍ରକାଶ ମୁଦୁଲି ପୂ୍ର୍ବ ଶତ୍ରୁତା ଯୋଗୁଁ ସୁନାକାରଙ୍କୁ ଗୁଳି ମାରିଥିଲା । ସୁନାକରଙ୍କ ଡାହାଣ ହାତରେ ଗୁଳି ବାଜିଛି । ଏହି ଗୁଳିକାଣ୍ଡ ସମୟରେ ଅଭିଯୁକ୍ତ ଠାରୁ ସୁନାକର ଓ ଦାସରଥୀ ବନ୍ଧୁକ ଛଡାଇ ଆଣିଥିବା ବେଳେ , ଗୋପ ପୁଲିସ ବନ୍ଧୁକଟିକୁ ଜବତ କରିଛି । ସେଥିରେ ଦୁଇଟି ଜୀବନ୍ତ ଗୁଳି ରହିଥିବା ଜଣାପଡ଼ିଛି । ଗୁଳିକାଣ୍ଡ ପରେ ଅଭିଯୁକ୍ତ ଫେରାର ହୋଇଯାଇଛି ।