ଲକ୍ଷ୍ନୌ: ଉନ୍ନାଓ ଜିଲାର ଦହି ଚୌକ ଶିଳ୍ପାଞ୍ଚଳରେ ଥିବା ହିନ୍ଦୁସ୍ତାନ ପେଟ୍ରୋଲିୟମ ଗ୍ୟାସ ରିଫିଲିଙ୍ଗ ପ୍ଲାଣ୍ଟରେ ଭୟାବହ ଅଗ୍ନିକାଣ୍ଡ ଘଟିଛି । ଗୁରୁବାର ସକାଳ ୧୧ଟା ବେଳେ ଏହି ଅଗ୍ନିକାଣ୍ଡ ଘଟିଥିଲା। ଖବର ପାଇ ଘଟଣାସ୍ଥଳରେ ଅନେକ ଦମକଳ ଗାଡି ପହଞ୍ଚି ନିଆଁ ଲିଭାଇବା କାର୍ଯ୍ୟ ଜାରି ରଖିଛନ୍ତି । ବିଭିନ୍ନ ଥାନାର ପୁଲିସ ଅଧିକାରୀ ମଧ୍ୟ ଘଟଣାସ୍ଥଳରେ ଉପସ୍ଥିତ ରହିଛନ୍ତି ।ସୁରକ୍ଷା ଦୃଷ୍ଟିରୁ ଲକ୍ଷ୍ନୌ-କାନପୁର ଜାତୀୟ ରାଜପଥକୁ ସିଲ୍ କରାଯାଇଛି । ନିଆଁ ବ୍ୟାପିବା ଆଶଙ୍କାରେ ନିକଟବର୍ତ୍ତୀ ଗାଁ ଗୁଡିକୁ ଖାଲି କରି ଦିଆଯାଇଛି । ଏହା ସହ ହିନ୍ଦୁସ୍ତାନ ପେଟ୍ରୋଲିୟମ ଗ୍ୟାସ ରିଫିଲିଙ୍ଗ ପ୍ଲାଣ୍ଟ ନିକଟରେ ଥିବା ପ୍ରାୟ ୧୦ଟି କାରଖାନାରେ କର୍ମଚାରୀମାନଙ୍କୁ ଖାଲି କରାଦିଆଯାଇଛି । ରିପୋର୍ଟ ଲେଖା ହେବା ପର୍ଯ୍ୟନ୍ତ ଏନେଇ ଅଧିକ ଖବର ହସ୍ତଗତ ହୋଇପାରିନାହିଁ ।
