BSKY banner  750×100

ଶିଶୁକନ୍ୟା ଦେହରେ ନିଆଁ ଲଗାଇବାପରେ ନିଜ ଦେହରେ ନିଆଁ ଲଗାଇଲା ମାଆ

nua o banner

ଦେବଗଡ : ଦେବଗଡ ଜିଲା ରିଆମାଳ ବ୍ଲକ ଅନ୍ତର୍ଗତ ଚଚୁପାଲି ଗ୍ରାମରେ ଗୁରୁବାର ସନ୍ଧ୍ୟାରେ ଏକ ଅଭାବନୀୟ ଘଟଣା ଘଟିଛି। ଜଣେ ମାଁ ନିଜର ୩ ବର୍ଷର ଶିଶୁକନ୍ୟା(ଜୁଲି) ଦେହରେ କିରୋସିନି ଢାଳି ନିଆଁ ଲଗାଇବା ପରେ ନିଜ ଦେହରେ ମଧ୍ୟ ନିଆଁ ଲଗାଇ ଆତ୍ମହତ୍ୟା ଉଦ୍ୟମ କରିଥିଲେ। ମହିଳାଙ୍କ ସ୍ୱାମୀ ଗନ୍ଧର୍ବ ଓରାମ ଏକଥା ଜାଣିବାପରେ ଉଭୟଙ୍କ ଦେହରୁ ନିଆଁ ଲିଭାଇ ଉଦ୍ଧାର କରିବା ସହ ଜିଲା ମୂଖ୍ୟ ଚିକିତ୍ସାଳୟରେ ଭର୍ତ୍ତି କରିଛନ୍ତି।
ସୂଚନା ଅନୁସାରେ, ଜିଲାପାଳ ସୁଧାଂଶୁ ମୋହନ ସାମଲଙ୍କ ନିର୍ଦ୍ଦେଶ କ୍ରମେ ଜିଲା ଶିଶୁ ସୁରକ୍ଷା ଅଧିକାରୀ ରୋମିଓ ମହାପାତ୍ର ଓ ଜିଲା ମୂଖ୍ୟ ଚିକିତ୍ସା ଅଧିକାରୀ ଡାକ୍ତର ଜଗଦିଶ ଚନ୍ଦ୍ର ବାରିକ ଉଭୟଙ୍କର ସ୍ୱତନ୍ତ୍ର ଚିକିତ୍ସାର ବ୍ୟବସ୍ଥା କରୁଛନ୍ତି। ତେବେ ଉଭୟଙ୍କ ଅବସ୍ଥା ଗୁରୁତର ଥିବାରୁ ଅଧିକ ଚିକିତ୍ସା ପାଇଁ ସେମାନଙ୍କୁ ବୁର୍ଲା ଡାକ୍ତରଖାନାକୁ ସ୍ଥାନନ୍ତର କରିବାକୁ ପ୍ରସ୍ତୁତି ଚଳାଇଛନ୍ତି। ମହିଳାଙ୍କ ଦ୍ୱାରା ଏଭଳି କାଣ୍ଡର ପ୍ରକୃତ କାରଣ ଜଣାପଡି ନଥିଲେ ମଧ୍ୟ ସେ ମାନସିକ ରୋଗରେ ପୀଡିତ ଥିବାରୁ ଏହି କାରଣରୁ ସ୍ତ୍ରୀ ସୁକାନ୍ତି ଶିଶୁ ଦେହରେ ନିଆଁ ଲଗାଇବା ପରେ ନିଜ ଦେହରେ ନିଆଁ ଲଗାଇ ଆତ୍ମହତ୍ୟା ଉଦ୍ୟମ କରିଥିବା ତାଙ୍କ ସ୍ୱାମୀ ଗନ୍ଧର୍ବ ଓରାମ ପ୍ରକାଶ କରିଛନ୍ତି। ଜିଲା ଶିଶୁ ସୁରକ୍ଷା ଅଧିକାରୀ ଶ୍ରୀ ମହାପାତ୍ର ମଧ୍ୟ ଏଭଳି ଅନୁମାନ କରିବାସହ ଘଟଣାର ତଦନ୍ତ କରିବାପରେ ପ୍ରକୃତ କାରଣ ଜଣାପଡ଼ିବ ବୋଲି ପ୍ରକାଶ କରିଛନ୍ତି।

Comments are closed.