ନୂଆଦିଲ୍ଲୀ: କର୍ଣ୍ଣାଟକର ପ୍ରଖ୍ୟାତ ଥିଏଟର କଳାକାର, କବି ତଥା ନାଟ୍ୟକାର ଏସ. ରଘୁନନ୍ଦନ ସଂଗୀତ ନାଟକ ଏକାଡେମୀ ଦ୍ୱାରା ଘୋଷିତ ପୁରସ୍କାରକୁ ପ୍ରତ୍ୟାଖାନ କରିଛନ୍ତି। ରଘୁନନ୍ଦନ ତାଙ୍କ ବିବୃତ୍ତିରେ କହିଛନ୍ତି, ଭଗବାନ ଓ ଧର୍ମ ନାଁରେ ସୃଷ୍ଟି କରାଯାଉଥିବା ବିଶୃଙ୍ଖଳା ଯୋଗୁ ସମାଜରେ ଘୃଣା ଓ ବିଦ୍ବେଷ ଭଳି ପରିସ୍ଥିତି ଦେଖାଦେଇଛି ଏବଂ ପ୍ରତ୍ୟକ୍ଷ ଓ ପରୋକ୍ଷ ଭାବେ କ୍ଷମତାର ବଶବର୍ତ୍ତୀ ହୋଇ ହିଂସା ଓ ହତ୍ୟା ଭଳି ଜଘନ୍ୟ କାଣ୍ଡ ବୃଦ୍ଧି ପାଇବାରେ ଲାଗିଛି।
ମୋ ଦେଶରେ ଏଭଳି ଅନ୍ୟାୟ ହେଉଥିବାରୁ ମୁଁ ଏହି ପୁରସ୍କାର ଗ୍ରହଣ କରିବାକୁ ଅକ୍ଷମ ମନେ କରୁଛି ବୋଲି କହିଛନ୍ତି ନାଟ୍ୟକାର ରଘୁନନ୍ଦନ। ସେ କହିଛନ୍ତି, ଭାରତର ଛବିକୁ ଅନ୍ୟ ଆଗରେ ଖରାପ ଢ଼ଙ୍ଗରେ ପ୍ରଦର୍ଶିତ କରାଯାଉଛି। ସେ ଆହୁରି ମଧ୍ୟ କହିଛନ୍ତି ଯେ ଗରିବ ଏବଂ କ୍ଷମତାବିହୀନ ଲୋକଙ୍କୁ ଚୁପ କରାଇବାକୁ ସବୁ ସ୍ତରରେ ଉଦ୍ୟମ କରାଯାଉଛି।
- Advertisement -
ପୁରସ୍କାର ଫେରାଇବା ନେଇ ସେ କହିଛନ୍ତି ଯେ ସେ ପ୍ରତିବାଦ କରୁନାହାନ୍ତି ବରଂ ସେ ଦୁଃଖର ସହ ପୁରସ୍କାର ଫେରୁଛନ୍ତି।
