ନାସିକ: ମହାରାଷ୍ଟ୍ର ମୁଖ୍ୟମନ୍ତ୍ରୀ ଉଦ୍ଧବ ଠାକରେଙ୍କ ପ୍ରତି ଆପତ୍ତିଜନ ମନ୍ତବ୍ୟ ଦେବା କେନ୍ଦ୍ରମନ୍ତ୍ରୀ ନାରାୟଣ ରାଣେଙ୍କୁ ମହଙ୍ଗା ପଡିଛି। ତାଙ୍କ ବିରୁଦ୍ଧରେ ଏତଲା ଦାଏର କରାଯିବା ସହିତ ନାସିକ ପୁଲିସ ପକ୍ଷରୁ ରାଣେଙ୍କୁ ଗିରଫ କରିବାକୁ ପରୱାନା ଜାରି କରାଯାଇଛି। ସୂଚନାଯୋଗ୍ୟ ଯେ ମହାରାଷ୍ଟ୍ରର ରାଇଗଡ ଜିଲା ଅନ୍ତର୍ଗତ ମହାଦଠାରେ ଶ୍ରୀ ରାଣେ ରାଜ୍ୟ ମୁଖ୍ୟମନ୍ତ୍ରୀଙ୍କ ସମ୍ମାନହାନି କଲାଭଳି ମନ୍ତବ୍ୟ ଦେଇଥିଲେ। ସ୍ୱାଧୀନତା ଦିବସ ଅଭିଭାଷଣ ପାଇଁ ସେ ଉଦ୍ଧବଙ୍କୁ ଚାପୁଡା ମାରିଥାନ୍ତେ ବୋଲି ମଧ୍ୟ ରାଣେ କହିବାକୁ ପଛାଇ ନଥିଲେ। ତେବେ ଜଣେ ମୁଖ୍ୟମନ୍ତ୍ରୀଙ୍କ ପ୍ରତି ଏଭଳି ଆପତ୍ତିଜନକ ମନ୍ତ୍ରବ୍ୟ ଦେବା ଘଟଣାକୁ ନେଇ ରାଣେଙ୍କ ବିରୁଦ୍ଧରେ ନାସିକ ସହରର ଶିବସେନା ମୁଖ୍ୟ ସୁଧାକର ବଡଗୁଜର ଏକ ମାମଲାର ଦାଏର କରିଥିଲେ। ଏହାପରେ ପୁଲିସ ଏହି ଘଟଣାରେ ନାରାୟଣ ରାଣେଙ୍କ ବିରୁଦ୍ଧରେ ଗିରଫ ପରୱାନା ଜାରି କରିଛି। ତେବେ ଏହି ବିବାଦ ଗୁରୁତର ରୂପ ନେବା ଆଶଙ୍କା କରାଯାଉଛି। ଶିବସେନାର ସମର୍ଥକମାନେ ଦଳର ପୂର୍ବତନ ମୁଖ୍ୟଙ୍କ ପ୍ରତି ଏଭଳି ଘଟଣାକୁ ନେଇ କ୍ଷୁବ୍ଧ ହେବା ସହିତ ରାଣେଙ୍କ ପୋଷ୍ଟର ଲଗାଇ ସେମାନଙ୍କର କ୍ରୋଧ ପ୍ରକାଶ କରିଛନ୍ତି। ନାସିକ ବ୍ୟତୀତ ପୁଣେ ସହରର ଚତୁର୍ଶୃଙ୍ଗୀ ଥାନାରେ ମଧ୍ୟ ରାଣେଙ୍କ ବିରୁଦ୍ଧରେ ଏତଲା ଦିଆଯାଇଛି। ଆଇପିସିର ଧାରା ୧୫୩ ଓ ୫୦୫ ବଳରେ ଏତଲାକୁ ଗ୍ରହଣ କରାଯାଇ ଏକ ମାମଲା ରୁଜ୍ଜୁ କରାଯାଇଛି।
କେନ୍ଦ୍ରମନ୍ତ୍ରୀ ନାରାୟଣ ରାଣେଙ୍କ ବିରୁଦ୍ଧରେ ଏତଲା ଦାଏର ସହ ଗିରଫ ପରୱାନା ଜାରି
Popular Categories
Previous article
Next article