ବେଗୁନିଆ: ବେଗୁନିଆ ବ୍ଲକ ଜଙ୍କିଆ ଥାନା ସିକୋ ଫାଣ୍ଡି ଅନ୍ତର୍ଗତ ଶଗଡ଼ଭଙ୍ଗା ଗ୍ରାମର ଜଣେ ଚାଷୀଙ୍କର ତାଙ୍କ ଗ୍ରାମ ନିକଟରେ ଥିବା ପୋଖରୀରେ ବୁଡି ମୃତ୍ୟୁ ଘଟିଛି। ଗ୍ରାମର ଭରତ ସ୍ୱାଇଁ ସକାଳୁ ନିଜ ବିଲକୁ କାମ କରିବାକୁ ଯାଇ ଫେରିବାରେ ବିଳମ୍ବ ହେବା ଯୋଗୁଁ ଘର ଲୋକମାନେ ତାଙ୍କୁ ଖୋଜା ଖୋଜି କରି ନ ପାଇ ଶେଷରେ ଗ୍ରାମ ମୁଣ୍ଡରେ ଥିବା ନୂଆପୋଖରୀକୁ ଯାଇ ଭରତ ବିଲକୁ ନେଇ ଯାଇଥିବା ଫାଉଡ଼ାଟି ପୋଖରୀ ହୁଡା ଉପରେ ଥୁଆ ହୋଇଥିବାର ଦେଖିବାକୁ ପାଇଥିଲେ । ତାପରେ ପୋଖରୀ ଭିତରେ ପଶି ଖୋଜିବାରେ ତାଙ୍କୁ ପାଇ ସଙ୍ଗେ ସଙ୍ଗେ ରଣପୁର ଡାକ୍ତରଖାନାକୁ ନେଇ ଯାଇଥିଲେ । କିନ୍ତୁ ଡାକ୍ତର ସେଠାରେ ତାଙ୍କୁ ମୃତ ଘୋଷଣା କରି ଶବ ବ୍ୟବଚ୍ଛେଦ କରିଥିଲେ । ବ୍ୟବଚ୍ଛେଦ ପରେ ପରିବାରକୁ ମୃତଦେହ ହସ୍ତାନ୍ତର କରାଯାଇଛି । ସେ ଜଣେ ଭଲ ଚାଷୀ, ସମାଜସେବୀ ଏବଂ ପୁରାଣ ଗାୟକ ଭାବେ ପରିଚିତ ହୋଇ ବିଭନ୍ନ ଅନୁଷ୍ଠାନ ସହିତ ଜଡିତ ଥିଲେ । ରଣପୁର ଥାନାରେ ଏ ସଂକ୍ରାନ୍ତରେ ୧୧/୨୧ ନଂ ଅପମୃତ୍ୟୁ ମାମଲା ରୁଜୁ କରାଯାଇଛି ।
Comments are closed.