ଭୁବନେଶ୍ବର : ସକାଳ ୮ଟା ସମୟରୁ ସାମୁଦ୍ରିକ ଝଡ଼ ଫନି ସ୍ଥଳଭାଗ ଛୁଇଁବା ପ୍ରକ୍ରିୟା ଆରମ୍ଭ ହୋଇଛି। ସ୍ଥଳଭାଗ ଛୁଇଁବା ପ୍ରକ୍ରିୟା ଆରମ୍ଭ କରିବା ମାତ୍ରେ ‘ଫନି’ ତାଣ୍ଡବ ରଚିଛି। ଏହାର ସବୁଠାରୁ ଅଧିକ ପ୍ରଭାବ ଚନ୍ଦ୍ରଭାଗା ଉପରେ ପଡ଼ିଥିବା ଦେଖାଯାଇଛି। ‘ଫନି’ ପ୍ରଭାବରେ ଚନ୍ଦ୍ରଭାଗାର କିଛି ସ୍ଥାନରେ ପବନର ବେଗ ୧୮୦ରୁ୨୦୦କୁ ଛୁଇଁଛି। ପବନ ସାଙ୍ଗକୁ ପ୍ରବଳ ବର୍ଷା ଚନ୍ଦ୍ରଭାଗାରେ ଭୟଙ୍କର ପରିସ୍ଥିତି ସୃଷ୍ଟି କରିଛି। ରାସ୍ତା ଉପରେ ବଡ଼ ବଡ଼ ଗଛ ଓ ବିଦ୍ୟୁତ୍ ଖୁଣ୍ଟ ଉପୁଡ଼ି ପଡ଼ିବା ସହ ବହୁ କଚା ଘର ଭାଙ୍ଗି ପଡ଼ିଥିବାବେଳେ ଅନେକ ଛପର ଘର ଉଡ଼ିଯାଇଥିବା ଦେଖାଯାଇଛି। ଅଶାନ୍ତ ରହିଛି ସମୁଦ୍ର ବେଳାଭୂମି। ଆଞ୍ଚଳିକ ପାଣିପାଗ କେନ୍ଦ୍ରର ସୂଚନା ଅନୁସାରେ ସାମୁଦ୍ରିକ ଝଡ଼ ‘ଫନି’ ପାଖାପାଖି ୩ଘଣ୍ଟା ଧରି ତାଣ୍ଡବ ରଚିବ।
Comments are closed.