ନୂଆଦିଲ୍ଲୀ: ପୁଣି ପାକିସ୍ତାନର ମିଛ ଧରା ପଡିଛି । ବୁଧବାର ପାକିସ୍ତାନର ଯୁଦ୍ଧ ବିମାନ ଏଫ-୧୬କୁ ଗୁଳି କରି ଭାରତ ଖସାଇ ଥିବା କଥା ପାକିସ୍ତାନ ଅସ୍ବୀକାର କରିଥିଲେ ମଧ୍ୟ ଏହାର ଭଗ୍ନାଂଶ ପାକିସ୍ତାନ ଅଧିକୃତ କାଶ୍ମୀର (ପିଓକେ)ରୁ ଠାବ କରାଯାଇଛି । ଏହି ଭଗ୍ନାଂଶ ଇଞ୍ଜିନ୍ ଏଫ-୧୬ ଯୁଦ୍ଧ ବିମାନର ବୋଲି ସ୍ପଷ୍ଟ ହୋଇଛି । ଯୁଦ୍ଧ ବିମାନର ଭଗ୍ନାଂଶର କିଛି ଫଟୋ ମଧ୍ୟ ଜାରି କରାଯାଇଛି । ଭଗ୍ନ ବିମାନ ନିକଟରେ ପାକିସ୍ତାନର ୭ ଉତ୍ତରି ପାଇଲଟ ଇନଫ୍ରେଣ୍ଟିର କମାଣ୍ଡିଙ୍ଗ ଅଫିସର ଉପସ୍ଥିତ ଥିବାର ଫଟୋରେ ଦେଖିବାକୁ ମିଳିଛି । ଏହି ଭଗ୍ନାଂଶଟି ପାକିସ୍ତାନର ଏଫ-୧୬ ଯୁଦ୍ଧ ବିମାନ ବୋଲି ସେନା ପକ୍ଷରୁ ସ୍ବୀକାର କରାଯାଇଛି ।
