ପୁରୀ : ଶ୍ରୀଜଗନ୍ନାଥ ସଂସ୍କୃତ ବିଶ୍ବବିଦ୍ୟାଳୟ, ପୁରୀ ଦ୍ବାରା ଗୁରୁବାର ଠାରୁ ଆରମ୍ଭ ହେଉଥିବା ଯୁକ୍ତ ୩ ଶାସ୍ତ୍ରୀ ଦ୍ବିତୀୟ ବର୍ଷ ପରୀକ୍ଷା କାର୍ଯ୍ୟସୂଚୀରେ ପରିବର୍ତ୍ତନ କରାଯାଇଛି। ଗୁରୁବାର ଦିନ ପ୍ରସ୍ତାବିତ ଓଡିଶା ବନ୍ଦକୁ ଦୃଷ୍ଟିରେ ରଖି ଫେବୃଆରୀ ୨୧ତାରିଖରେ ହେବାକୁ ଥିବା ପରୀକ୍ଷାକୁ ମାର୍ଚ୍ଚ ୧ ତାରିଖକୁ ଘୁଞ୍ଚାଇ ଦିଆଯାଇଛି। ବିଶ୍ବବିଦ୍ୟାଳୟର ପରୀକ୍ଷା ନିୟନ୍ତ୍ରକ କହିଛନ୍ତି ଯେ, ଫେବୃଆରୀ ୨୧ରେ ହେବାକୁ ଥିବା ଏମଆଇଏଲ(ଓଡିଆ) ପରୀକ୍ଷା ମାର୍ଚ୍ଚ ୧ତାରିଖ ଶୁକ୍ରବାର ଦିନ ୧୦ଟାରୁ ୧ଟା ମଧ୍ୟରେ ଅନୁଷ୍ଠିତ ହେବ। ଏତଦବ୍ୟତୀତ ଅନ୍ୟାନ୍ୟ ପରୀକ୍ଷା ସୂଚୀ ଅପରିବର୍ତ୍ତିତ ରହିଥିବା ସେ କହିଛନ୍ତି।
