ନୂଆଦିଲ୍ଲୀ : ଇଞ୍ଜିନିୟରିଂ ପାଠ୍ୟକ୍ରମରେ ନାଲେଖା ପାଇଁ ଅନୁଷ୍ଠିତ ଜେଇଇ ମୁଖ୍ୟ-୨୦୧୯ ପରୀକ୍ଷା ଫଳ ପ୍ରକାଶ ପାଇଛି। ଏଥିରେ ମଧ୍ୟପ୍ରଦେଶ ଭୋପାଳର ଧ୍ରୁବ ଆରୋରା ଶତ ପ୍ରତିଶତ ନମ୍ବର ରଖି ପ୍ରଥମ ସ୍ଥାନ ଅଧିକାର କରିଛନ୍ତି। ଏଥି ସହିତ ପ୍ରଥମ ଥର ପାଇଁ ୧୫ଜଣ ପରୀକ୍ଷାର୍ଥୀ ଶତ ପ୍ରତିଶତ ନମ୍ବର ରଖି ରେକର୍ଡ କରିଛନ୍ତି। ଏମାନେ ସମସ୍ତେ ଛାତ୍ର ଓ ଏମାନଙ୍କ ମଧ୍ୟରେ ତେଲଙ୍ଗାନାର ସର୍ବାଧିକ ୪ଜଣ ସ୍ଥାନ ପାଇଛନ୍ତି। ମହାରାଷ୍ଟ୍ରର ରାଜ୍ ଆର୍ୟନ୍ ଅଗ୍ରୱାଲ ଦ୍ବିତୀୟ ସ୍ଥାନ ଅଧିକାର କରିଛନ୍ତି। ମୋଟ ୮ଲକ୍ଷ ୭୪ହଜାର ୪୬୯ ଛାତ୍ରଛାତ୍ରୀ ଜେଇଇ ମୁଖ୍ୟ (ମେନ୍) ପରୀକ୍ଷା ଦେଇଥିଲେ। ନ୍ୟାସନାଲ ଟେଷ୍ଟିଂ ଏଜେନ୍ସି (ଏନ୍ଟିଏ) ଦ୍ବାରା ଏହି ପରୀକ୍ଷା ସର୍ବଭାରତୀୟସ୍ତରରେ ଚଳିତ ମାସ ୮ ଓ ୧୨ରେ ଅନୁଷ୍ଠିତ ହୋଇଥିଲା। ପ୍ରତ୍ୟେକ ରାଜ୍ୟସ୍ତରରେ ମଧ୍ୟ ଏହି ପରୀକ୍ଷା ଫଳାଫଳ ପ୍ରକାଶ ପାଇଛି। ଏଥିରେ ରାଜ୍ୟସ୍ତରୀୟ ଟପ୍ପର ପରୀକ୍ଷାର୍ଥୀ ସ୍ଥାନ ପାଇଛନ୍ତି। ରେକର୍ଡ ସମୟରେ ଫଳ ପ୍ରକାଶ ପାଇଥିବାରୁ କେନ୍ଦ୍ର ମାନବସମ୍ବଳ ବିକାଶ ମନ୍ତ୍ରୀ ପ୍ରକାଶ ଜାବଡେକର ଏନ୍ଟିଏ କର୍ତ୍ତୃପକ୍ଷଙ୍କୁ ବଧାଇ ଜଣାଇଥିାବବେେଳ ଓ କୃତୀ ଛାତ୍ରଛାତ୍ରୀଙ୍କୁ ଶୁଭେଚ୍ଛା ଜ୍ଞାପନ କରିଛନ୍ତି।
Popular Categories
Previous article
Next article