ମୁମ୍ବଇ: ପ୍ରବର୍ତ୍ତନ ନିର୍ଦେଶାଳୟ (ଇଡି) ଏନସିପି ମୁଖ୍ୟ ଶରଦ ପୱାରଙ୍କ ଜଣେ ସହଯୋଗୀଙ୍କ ଘରୁ ନଗଦ ୧କୋଟି ଟଙ୍କା ଓ ୨୫ କୋଟି ଟଙ୍କାର ସୁନା, ହୀରା ଅଳଙ୍କାର ଜବତ କରିଛି। ସହଯୋଗୀ ଜଣଙ୍କ ହେଉଛନ୍ତି ଈଶ୍ବରଲାଲ େଜୖନ। ଈଶ୍ବରଲାଲ ପୂର୍ବରୁ ଏନସିପିର କୋଷାଧ୍ୟକ୍ଷ ପଦରେ ରହିଥିଲେ। ଇଡି ଈଶ୍ବରଲାଲଙ୍କ ଜାଲଗାଓଁ, ନାସିକ ଓ ଥାନେସ୍ଥିତ ବାସଭବନ ଓ କାର୍ଯ୍ୟାଳୟ ଆଦି ୧୩ଟି ସ୍ଥାନରେ ଚଢଉ କରିିଛି। ଚଢଉ କାଳରେ ୬୦ଟି ଜମିବାଡିର କାଗଜପତ୍ର ଜବତ କରାଯାଇଛି ଯାହାର ମୂଲ୍ୟ ୫୦କୋଟିରୁ ଅଧିକ ହେବ। ଏହା ସହିତ ୫୦ ନିୟୁତ ୟୁରୋର ସ୍ଥାୟୀ ଜମାର କାଗଜପତ୍ର ଜବତ ହୋଇଛି। ଈଶ୍ବରଲାଲ ଜୈନଙ୍କ ନାମରେ ତିନିଟି ଅଳଙ୍କାର କମ୍ପାନୀ ରହିଛି। ଏହି ଅଳଙ୍କାର କମ୍ପାନୀଗୁଡିକ ବିରୋଧରେ ଗତବର୍ଷ ଡିସେମ୍ବରରେ ସିବିଆଇ ମାମଲା ରୁଜୁ କରିଥିଲା। ରାଜମଲ ଲାଖିଚାନ୍ଦ ଜୁଏଲାରୀ, ଆରଏଲ୍ ଗୋଲ୍ଡ ଏବଂ ମନରାଜ ଜୁଏଲର୍ସ ନାମକ କମ୍ପାନୀ ଓ ସେମାନଙ୍କ ମାଲିକଙ୍କ ବିରୋଧରେ ମାମଲା ରୁଜୁ ହୋଇଥିଲା। କମ୍ପାନୀଗୁଡିକ ଷ୍ଟେଟ ବ୍ୟାଙ୍କ ଅଫ ଇଣ୍ଡିଆ (ଏସବିଆଇ)ରୁ ୩୫୩ କୋଟି ଟଙ୍କା ଋଣ ନେଇ ଫେରସ୍ତ କରି ନଥିବା ଅଭିଯୋଗ ହୋଇଥିଲା। ସିବିଆଇର ଏତଲାକୁ ଆଧାର କରି ଇଡି ବେଆଇନ ଅର୍ଥ ହେରଫେର ମାମଲା ରୁଜୁ କରିଛି।
Popular Categories
Previous article
Next article