ବୁର୍ଲା: ସାମାଜ ସେବା ପାଇଁ ଲାଭ କରିଥିବା ସମ୍ମାନର ଅର୍ଥରାଶିକୁ ଭିମ୍ସାର ମେଡିସିନ୍ ବିଭାଗ ଆସିଷ୍ଟାଣ୍ଟ ପ୍ରଫେସର ଡାକ୍ତର ଶଙ୍କର ରାମଚନ୍ଦାନୀ କର୍କଟ ରୋଗୀଙ୍କୁ ଦାନ କରି ପୁଣିଥରେ ଚର୍ଚ୍ଚା ପରିସରକୁ ଆସିଛନ୍ତି। କିଛିଦିନ ପୂର୍ବରୁ ଡା. ରାମଚନ୍ଦାନୀ ପ୍ରଫେସର ରାଧାମୋହନ ସ୍ମୃତି ସମ୍ମାନରେ ସମ୍ମାନୀତ ହୋଇଥିଲେ। ନିଃସ୍ବାର୍ଥ ରୋଗୀ ସେବା ପାଇଁ ରାଧାମୋହନ ସ୍ମୃତି କମିଟି ପକ୍ଷରୁ ତାଙ୍କୁ ଏହି ସମ୍ମାନ ପ୍ରଦାନ କରାଯାଇଥିଲା। ଏଥିରେ ପୁରସ୍କାର ଭାବେ ମାନପତ୍ର ସହ ତାଙ୍କୁ ୫୦ ହଜାର ଟଙ୍କା ପ୍ରଦାନ କରାଯାଇଥିଲା। ଏହି ୫୦ ହଜାର ଟଙ୍କାକୁ ଡା. ରାମଚନ୍ଦାନୀ ୧୦ ଜଣ କର୍କଟ ରୋଗୀଙ୍କ ମଧ୍ୟରେ ୫ ହଜାର ଲେଖାଏଁ ଦାନ କରିଛନ୍ତି। କର୍କଟ ରୋଗୀ ଓଡ଼ିଶାର ବିଭିନ୍ନ ଜିଲାର ଥିବାବେଳେ ଜଣେ ଛତିଶଗଡ଼ ରାଜ୍ୟର ବୋଲି ଜଣାପଡ଼ିଛି। ଡା. ରାମଚନ୍ଦାନୀ ଟଙ୍କିକିଆ କ୍ଲିନିକ୍ ସହିତ ଟଙ୍କିକିଆ ଔଷଧ ସେବା ଏବଂ ପରୀକ୍ଷା ସେବା ନିୟମିତ ଯୋଗାଇ ଦେଉଛନ୍ତି। ଏହାଦ୍ଵାରା ଅନେକ ଗରିବ ରୋଗୀ ଉପକୃତ ହୋଇ ଆସୁଛନ୍ତି। ଡାକ୍ତର ରାମଚନ୍ଦାନୀ ଏହିଭଳି ଭାବରେ ନିୟମିତ ଭାବରେ ବିଭିନ୍ନ ବର୍ଗର ଗରିବଙ୍କୁ ସାହାଯ୍ୟ ସହାୟତା ପ୍ରଦାନ କରି ଉଚ୍ଚ ପ୍ରଶଂସିତ ହୋଇ ଆସୁଛନ୍ତି।
ପୁରସ୍କାର ରାଶି ଦାନକଲେ ଡା. ରାମଚନ୍ଦାନୀ; ୧୦ ଜଣ କର୍କଟ ରୋଗୀଙ୍କୁ ୫ ହଜାର ଲେଖାଏଁ ଦେଲେ
Popular Categories
Previous article
Next article