ହୀରାକୁ ସମସ୍ତ ରତ୍ନ ମଧ୍ୟରେ ସର୍ବଶ୍ରେଷ୍ଠ ବୋଲି କୁହାଯାଏ। ଏହାର ମୂଲ୍ୟ ମଧ୍ୟ ଅନ୍ୟ ରତ୍ନ ତୁଳନାରେ ବେଶ ଅଧିକ। ହଙ୍ଗକଙ୍ଗରେ ‘ଦ ସକୁରା’ ନାମକ ଏକ ଦୁର୍ଲ୍ଲଭ ଓ ଖୁବ ଆକର୍ଷକ ପର୍ପଲ-ପିଙ୍କ ହୀରାର ନିଲାମ କରାଯାଇଛି। ଏକ ସ୍ୱତନ୍ତ୍ର ଗହଣା ଦୋକାନ ଦ୍ୱାରା କରାଯାଇଥିଲା। ଏହି ହୀରାର ଓଜନ ପ୍ରାୟ ୧୫.୮୧ କ୍ୟାରେଟ ରହିଛି। ଏକ ରିପୋର୍ଟ ଅନୁଯାୟୀ, ଏହି ହୀରାଟି ବିଶେଷ ହେବାର କାରଣ ଏହା ଏପର୍ଯ୍ୟନ୍ତର ସବୁଠାରୁ ବଡ ପର୍ପଲ-ପିଙ୍କ ହୀରା।
ରିପୋର୍ଟ ଅନୁଯାୟୀ, ଏହି ହୀରାର ନିଲାମ ଖୁବ ଐତିହାସିକ।୨୯.୩ ମିଲିୟନ ଡଲାର ଅର୍ଥାତ ପ୍ରାୟ ୨୧୮ କୋଟି ଟଙ୍କାରେ ଏହି ହୀରାର ନିଲାମ ହୋଇଛି। ଏପର୍ଯ୍ୟନ୍ତର ଏହା ସବୁଠାରୁ ବଡ ମହଙ୍ଗା ହୀରା। ଏହି ହୀରାକୁ ପ୍ଲାଟିନମ୍ ଓ ସୁନାର ମୁଦିରେ ରଖାଯାଇ ନିଲାମ କରାଯାଇଛି। ନିଲାମ ସମୟରେ ଏହି ହୀରା ଆକର୍ଷଣର କେନ୍ଦ୍ର ବିନ୍ଦୁ ପାଲଟିଥିଲା। ସଭିଁଙ୍କୁ ନିଜ ନିକଟକୁ ଆକର୍ଷିତ କରୁଥିଲା। ଗୋଲାପି ହୀରାରେ ସାଧାରଣତଃ କିଛି ସ୍ୱତନ୍ତ୍ରତା ହେତୁ ଏହା ଖୁବ ଦୁର୍ଲ୍ଲଭ ହୋଇଥାଏ।
ପୂର୍ବ ବର୍ଷ ମଧ୍ୟ ୧୪.୮ କ୍ୟାରେଟର ପର୍ପଲ-ପିଙ୍କ ହୀରାର ନିଲାମ ୧୯୬ କୋଟି ଟଙ୍କାରେ ହୋଇଥିଲା। ମାତ୍ର ‘ଦ ସକୁରା’ର ଓଜନ ଓ ନିଲାମର ମୂଲ୍ୟ ଏହାର ରେକର୍ଡକୁ ଭାଙ୍ଗି ଦେଇଥିଲା। ଏହି ହୀରାକୁ ଏସିୟାର ଜଣେ ଗ୍ରାହକ କିଣିଛନ୍ତି ବୋଲି ସୂଚନା ମିଳିଛି।
