ଢେଙ୍କାନାଳ ସଦର: ହାତୀ ଆକ୍ରମଣରେ ଜଣେ ଯୁବକଙ୍କ ମୃତ୍ୟୁ ଘଟିଛି। ଢେଙ୍କାନାଳ ଜିଲ୍ଲା ଷଡ଼ଙ୍ଗୀ ବନଖଣ୍ଡ ଅନ୍ତର୍ଗତ ଯୋରନ୍ଦା ସେକ୍ସନ ଅନ୍ତର୍ଗତ ସୋଗରପଶି ପଞ୍ଚାୟତର ପାରିଖେଦା ଗ୍ରାମର ଚନ୍ଦନ ନାଏକ (୨୬ ବର୍ଷ) ସାଇକେଲରେ ଯାଉଥିବା ସମୟରେ ସକାଳ ୮ ଘଟିକା ସମୟରେ ହାତୀ ଆକ୍ରମଣରେ ମୃତ୍ୟୁ ଘଟିଛି। ତାଙ୍କୁ ସ୍ଥାନୀୟ ଅଟୋ ଯୋଗେ ଢେଙ୍କାନାଳ ସ୍ବାସ୍ଥ୍ୟକେନ୍ଦ୍ରରେ ଭର୍ତ୍ତି କରାଯାଇଥିଲା । ସେଠାରେ ଡାକ୍ତର ତାଙ୍କୁ ମୃତ ଘୋଷଣା କରିଛନ୍ତି । ବାରମ୍ବାର ହାତୀ ଆକ୍ରମଣ ଯୋଗୁ ଗ୍ରାମବାସୀ ଭୟଭୀତ ଅଛନ୍ତି । ଦିନକୁ ଦିନ ହାତୀ ଉପଦ୍ରବ ଅଞ୍ଚଳରେ ବଢିବାରେ ଲାଗିଛି ଓ ଏହା ଚିନ୍ତାର ବିଷୟ ପାଲଟିଛି। ବନବିଭାଗଙ୍କୁ ଅଞ୍ଚଳବାସୀ ୨୪ ଘଣ୍ଟିଆ ପାଟ୍ରୋଲିଂ ବ୍ୟବସ୍ଥା କରିବା ପାଇଁ ଅନୁରୋଧ କରୁଛନ୍ତି । ଏହାସହ ତୁରନ୍ତ ନରହନ୍ତା ହାତୀକୁ କାବୁକରି କପିଳାସ ହାତୀ ଉଦ୍ଧାରକାରୀ କେନ୍ଦ୍ରରେ ରଖିବାପାଇଁ ଦାବୀ ହୋଇଛି। ଏହାକୁ ତୁରନ୍ତ ସମାଧାନ ନକଲେ ଆଗାମୀ ଦିନରେ ଶହ ଶହ ଚାଷୀ ଭାଇ ମାନଙ୍କ ସହ ଜିଲ୍ଲାପାଳ ଓ ବନଖଣ୍ଡ ଡିଏଫଓ କାର୍ୟ୍ୟାଳୟ ଘେରାଉ କରିବା ପାଇଁ ନିଷ୍ପତି ନେଇଛନ୍ତି । ଏଥିପ୍ରତି ଦୃଷ୍ଟି ଦେଇ ତୁରନ୍ତ ଏଠାରୁ ହାତୀ ମାନଙ୍କୁ ଘଉଡ଼ାଇବାକୁ ପଦେକ୍ଷପ ନେବାକୁ ଗ୍ରାମବାସୀ ଦାବୀ କରିଛନ୍ତି ।
Comments are closed.