ଦେବଗଡ : ଦେବଗଡ ଜିଲ୍ଲା କୁଣ୍ଢେଇଗୋଳା ଥାନା ଗୋହିଡା-ଜାମୁନାଳୀ ଗ୍ରାମରେ ଘଟିଛି ହତ୍ୟାକାଣ୍ଡ । ଟାଙ୍ଗିଆ ଚୋଟରେ ବୃଦ୍ଧ ବାପାଙ୍କୁ ନିର୍ମମ ଭାବେ ହତ୍ୟା କରିଛି ସଇତାନ ପୁଅ। ପୁଅର ଟାଙ୍ଗିଆ ଚୋଟରେ ବାପା ବୁଧୁ କିସାନଙ୍କ ମୃତ୍ୟୁ ଘଟିଥିବା ବେଳେ ପୁଅ ଦୁଃଖବନ୍ଧୁ କିସାନଙ୍କୁ ପୁଲିସ ଅଟକ ରଖିଛି।
ସୂଚନା ଅନୁଯାୟୀ ବାପ ଓ ପୁଅ ମଧ୍ୟରେ ସାମାନ୍ୟ ବଚସାକୁ କେନ୍ଦ୍ର କରି ଏଭଳି ନିର୍ମମ ହତ୍ୟାକାଣ୍ଡ ଘଟିଛି । ଘରେ କେହି ନଥିବା ବେଳେ ଗତ ୧୯ ତାରିଖ ରାତିରେ ବାପାଙ୍କୁ ଟାଙ୍ଗିଆରେ ହାଣି ଘର ପଛ ପଟେ ଥିବା ଏକ ଗାତ ଭିତରେ ମୃତଦେହ ଫିଙ୍ଗିଦେଇଥିଲା ସଇତାନ ପୁଅ । ଘର ଭିତରେ ରକ୍ତ ଛିଟା ପଡିଥିବା ବେଳେ ବୁଧୁ ନିଖୋଜ ଥିଲେ । ଫଳରେ ପରିବାର ଲୋକଙ୍କ ସନ୍ଦେହ ହେବାରୁ ଖୋଜାଖୋଜି କରିଥିଲେ । ଘର ପଛପଟେ ଥିବା ଏକ ଗାତ ଭିତରୁ ଆଜି ମୃତଦେହ ଉଦ୍ଧାର ହୋଇଛି । କୁଣ୍ଢେଇଗୋଳା ପୁଲିସ ସୂଚନା ପାଇ ଘଟଣାସ୍ଥଳରେ ପହଂଚି ପ୍ରାଥମିକ ତଦନ୍ତ କରିଥିବା ବେଳେ ସାଇଂଟିଫିକ ଟିମକୁ ସୂଚନା ଦିଆଯାଇଛି।
ସଇତାନ ପୁଅର ଟାଙ୍ଗିଆ ଚୋଟରେ ବାପା ମୃତ
Popular Categories
Previous article
Next article