ଗୁରୁଡିଝାଟିଆ: କଖଡି ପଞ୍ଚାୟତ ଟାଙ୍ଗି-ଚୌଦ୍ୱାର ବ୍ଲକଠାରୁ ୩୨ କିମି ଦୂରରେ ଅବସ୍ଥିତ । ଏହାର ଭୌଗୋଳିଳ ଅବସ୍ଥିତି ବେଶ କୌତୁହଳପୂର୍ଣ୍ଣ । ପଞ୍ଚାୟତର ଚତୁଃପାର୍ଶ୍ବରେ ଆଠଗଡ ବ୍ଲକର ଗାଁଗୁଡିକ ରହିଛି । ଉକ୍ତ ଗାଁଗୁଡିକ ଗୁରୁଡିଝାଟିଆ ଓ ଖୁଣ୍ଟୁଣୀ ଥାନା ପରିସରଭୁକ୍ତ ଅଟେ । ହେଲେ କଖଡି ପଞ୍ଚାୟତ ଚୌଦ୍ୱାର କମିସନରେଟ ପୁଲିସ ଅଧୀନରେ ରହିଛି । ଏହାର ନିର୍ବାଚନ ମଣ୍ଡଳୀ ଆଠଗଡ ହୋଇଥିବା ବେଳେ ତହସିଲ କଟକ ସଦର ଓ ବ୍ଲକ ଟାଙ୍ଗି-ଚୌଦ୍ୱାର । ଦୀପ ତଳ ଅନ୍ଧାର ସଦୃଶ ପଞ୍ଚାୟତର ଜନସାଧାରଣ ପ୍ରଶାସନିକ କ୍ଷେତ୍ରରେ ବହୁ ଅସୁବିଧାର ସମ୍ମୁଖୀନ ହୋଇଆସୁଛନ୍ତି। ଜନ୍ମମୃତ୍ୟୁ ପ୍ରମାଣପତ୍ରଟିଏ ପାଇଁ ୩୨ କିମି ଟାଙ୍ଗୀ ଗୋଷ୍ଠୀ ସ୍ୱାସ୍ଥ୍ୟକେନ୍ଦ୍ରକୁ ଯିବା ପାଇଁ ବାଧ୍ୟ ହୋଇଥାନ୍ତି । କୃଷି ପ୍ରଧାନ ଗାଁ ହୋଇଥିବା ବେଳେ ଗୃହପାଳିତ ଗୋ ସମ୍ପଦ ଭରି ରହିଛନ୍ତି । ହେଲେ ଏଠାରେ ଗୃହପାଳିତ ପ୍ରାଣୀଙ୍କ ପାଇଁ ଚିକିତ୍ସା ନିମନ୍ତେ ବ୍ୟବସ୍ଥା ନ ଥିବାରୁ ଅନେକ ସମୟରେ ବିଭିନ୍ନ ରୋଗରେ ପଡି ଗାଈଗୋରୁ ମୃତ୍ୟୁବରଣ କରିଥାନ୍ତି । ଏହାକୁ ଦୃଷ୍ଟିରେ ରଖି କଖଡି ସରପଞ୍ଚ କଳ୍ପନା ଛତାର ପଞ୍ଚାୟତ ସମିତି ବୈଠକରେ ଉକ୍ତ ସମାସ୍ୟାକୁ ଉତଥାପନ କରିବା ସହ ବିଡିଓଙ୍କୁ ଲିଖିତ ଭାବେ ଅବଗତ କରିଛନ୍ତି । ଏଠାରେ ଏକ ପ୍ରାଣୀଧନ ନିରୀକ୍ଷକଙ୍କ କାର୍ଯ୍ୟାଳୟ କାର୍ଯ୍ୟକାରୀ କରିବା କ୍ଷେତ୍ରରେ ଅର୍ଥବ୍ୟବସ୍ଥା କରିବା ନିମନ୍ତେ ଦାବି କରିଛନ୍ତି। ଏହାଦ୍ୱାରା ଗୋ ସମ୍ପଦ ସୁରକ୍ଷିତ ରହିପାରିବେ ବୋଲି ଅଞ୍ଚଳବାସୀ କହିଛନ୍ତି।
Popular Categories
Previous article
Next article