ନୂଆଦିଲ୍ଲୀ: ଅନାଥ ପିଲାଙ୍କ ପାଠପଢ଼ା ପାଇଁ ସରକାର ଏକ ବଡ଼ ନିଷ୍ପତ୍ତି ନେଇଛନ୍ତି । ଏଣିକି କୋଭିଡ ଅନାଥ ପିଲା ମାନେ କେନ୍ଦ୍ରୀୟ ବିଦ୍ୟାଳୟରେ ମାଗଣାରେ ପାଠ ପଢ଼ିପାରିବେ । ସାଂସଦ କୋଟା ଉଚ୍ଛେଦ ପରେ ଏପରି ଏକ ନୂତନ ନିୟମ ଲାଗୁ କରାଯାଇଛି । କରୋନାରେ ବାପା ମା’ଙ୍କୁ ହରାଇଥିବା ପିଲାମାନେ ପିଏମ କେୟାର ଫର୍ ଚିଲଡ୍ରେନ ଯୋଜନାରେ କେନ୍ଦ୍ରୀୟ ବିଦ୍ୟାଳୟରେ ନାମ ଲେଖାଇବା ସହ ପ୍ରଥମରୁ ଦ୍ୱାଦଶ ଯାଏ ମାଗଣାରେ ପାଠ ପଢ଼ିବେ ବୋଲି କୁହାଯାଇଛି ।
ଆହୁରି କୁହାଯାଇଛି ପ୍ରତ୍ୟେକ କେନ୍ଦ୍ରୀୟ ବିଦ୍ୟାଳୟରେ ୧୦ ଜଣ ଏବଂ ଶ୍ରେଣୀ ପ୍ରତି ସର୍ବାଧିକ ୨ ଜଣଙ୍କୁ ନାଁ ଲେଖାଇବାର ସୁଯୋଗ ଦିଆଯିବ । ନାମ ଲେଖାଇବାକୁ ଥିବା ପିଲାମାନଙ୍କର ତାଲିକା ଜିଲ୍ଳା ପ୍ରଶାସନ ଦେବା ପରେ ଅନାଥ ପିଲାଙ୍କୁ ଏହି ବ୍ୟବସ୍ଥାର ସୁଯୋଗ ଦେବେ ସରକାର ।
Comments are closed.