ଆଇପିଏଲ ମହାସମର: ଚେନ୍ନାଇକୁ ୨୦ରନରେ ହରାଇଲା ଦିଲ୍ଲୀ , ଆଜି ମୁମ୍ବାଇ-ରାଜସ୍ଥାନ ଟକ୍କର

ନୂଆଦିଲ୍ଲୀ: ପ୍ରଥମ ଦୁଇଟି ଯାକ ମ୍ୟାଚ୍ ଜିତିବା ପରେ ଚଳିତ ଆଇପିଏଲରେ ପ୍ରଥମ ପରାଜୟ ଭୋଗିଛି ଚେନ୍ନାଇ ସୁପର କିଙ୍ଗ୍ସ। ରବିବାର ସନ୍ଧ୍ୟାର ମ୍ୟାଚରେ ଚେନ୍ନାଇକୁ ୨୦ ରନରେ ହରାଇଛି ଦିଲ୍ଲୀ । ରିଷବ ପନ୍ତ, ଡେଭିଡ ୱାର୍ଣ୍ଣରଙ୍କ ଅର୍ଦ୍ଧଶତକ ବଳରେ ପ୍ରଥମେ ବ୍ୟାଟିଂ କରି ୫ ୱିକେଟରେ ୧୯୧ ରନ୍ କରିଥିଲା। ପରେ ଅଜିଙ୍କ୍ୟ ରାହାଣେ ଓ ମହେନ୍ଦ୍ର ସିଂ ଧୋନିଙ୍କ ଭଲ ଇଂନିସ୍ ସତ୍ବେ ସିଏସକେ ୬ ୱିକେଟ୍ ହରାଇ ୧୭୧ ରନ୍ କରିପାରିଥିଲା। ଦିଲ୍ଲୀ ପକ୍ଷରୁ ଖଲିଲ ଅହମ୍ମଦ ୨ ୱିକେଟ୍ ନେଇଥିବା ବେଳେ ମୁକେଶ କୁମାର ୩ ଟି ୱିକେଟ ନେଇଥିଲେ । ସେପଟେ ଆଜି ମୁମ୍ବାଇ-ରାଜସ୍ଥାନ ମଧ୍ୟରେ ଟକ୍କର ହେବ । ମୁମ୍ବାଇ ପ୍ରଥମ ଦୁଇ ମ୍ୟାଚ ହାରିଯାଇଥିବାରୁ ଆଜିର ମ୍ୟାଚ ଦଳ ପାଇଁ ଗୁରୁତ୍ୱ ବହନ କରୁଛି ।