ନୂଆଦିଲ୍ଲୀ : ପୂର୍ବତନ କେନ୍ଦ୍ର ମନ୍ତ୍ରୀ ଏମ୍.ଜେ. ଆକବରଙ୍କ ଦ୍ବାରା କରାଯାଇଥିବା ଏକ ମାନହାନୀ ମକଦ୍ଦମା ମାମଲାରେ ସାମ୍ବାଦିକା ପ୍ରିୟା ରମଣିଙ୍କୁ ଦିଲ୍ଲୀର ଏକ କୋର୍ଟ ମଙ୍ଗଳବାର ସମନ ଜାରି କରିଛନ୍ତି। ଫେବୃଆରୀ ୨୫ ସୁଦ୍ଧା କୋର୍ଟରେ ହାଜର ହେବା ଲାଗି ତାଙ୍କୁ ଅତିରିକ୍ତ ମୁଖ୍ୟ ମେଟ୍ରୋପଲିଟାନ ମାଜିଷ୍ଟ୍ରେଟ ସମର ବିଶାଲ ନିର୍ଦେଶ ଦେଇଛନ୍ତି। ୨୦ବର୍ଷ ପୂର୍ବେ ଆକବର ତାଙ୍କୁ ଯୌନଅସଦାଚରଣ କରିଥିବା ନେଇ ରମଣି ମି ଠୁ ଅଭିଯାନ କ୍ରମେ ଟ୍ବିଟରେ ଗତବର୍ଷ ଅଭିଯୋଗ ଆଣିଥିଲେ। ରମଣିଙ୍କ ଅଭିଯୋଗକୁ ଆକବର ଅସ୍ବୀକାର କରିଥିଲେ ମଧ୍ୟ ତାଙ୍କୁ ୨୦୧୮ ଅକ୍ଟୋବର ୧୭ରେ କେନ୍ଦ୍ରମନ୍ତ୍ରୀ ପଦରୁ ଇସ୍ତଫା ଦେବାକୁ ପଡିଥିଲା। ପରେ ସେ ମାନହାନୀ ମକଦ୍ଦମା ରୁଜୁ କରିଥିଲେ।
