ରେଙ୍ଗାଲି : ସମ୍ବଲପୁର ଜିଲ୍ଲା ରେଙ୍ଗାଲି ବ୍ଳକ୍ ଅନ୍ତର୍ଗତ ଲଇଡା ଗ୍ରାମର ଶିକ୍ଷୟିତ୍ରୀ ପୂର୍ଣିମା ପଟେଲଙ୍କର ବୁଧବାର ଭୂବେନେଶ୍ୱର ସ୍ଥିତ ଅଖିଳ ଭାରତୀୟ ଆର୍ୟୁବିଜ୍ଞାନ ସଂସ୍ଥା (ଏମ୍ସ) ରେ ଚିକିତ୍ସାଧିନ ଅବସ୍ଥା ରେ ମୃତ୍ୟୁ ହୋଇଯାଇଛି । ମୃତ୍ୟୁ ବେଳେକୁ ତାଙ୍କୁ ୩୮ବର୍ଷ ବୟସ ହୋଇଥିଲା । ପୂର୍ଣିମା ପଟେଲ ଲଇଡାର ନୋଡାଲ୍ ୟୁ.ପି ସ୍କୁଲରେ ସହକାରୀ ଶିକ୍ଷୟିତ୍ରୀ ରୂପେ କାର୍ଯ୍ୟ କରୁଥିଲେ। ସେ ଗତ କିଛି ମାସ ହେଲା କ୍ରମାଗତ ଅସୁସ୍ଥ ହେବାରୁ ତାଙ୍କୁ ଅଖିଳ ଭାରତୀୟ ଆର୍ୟୁବିଜ୍ଞାନ ସଂସ୍ଥାନରେ ଚିକିତ୍ସା ପାଇଁ ଭର୍ତ୍ତି କରାଯାଇଥିଲା। ଜଣେ ଛାତ୍ର ବତ୍ସଳ ମେଳାପି ଶିକ୍ଷୟିତ୍ରୀ ଏବଂ ମିଷ୍ଠ ଭାଷୀ ପରୋପକାରୀ ମହିଳା ଭାବରେ ସେ ପରିଚିତ ଥିଲେ । ତାଙ୍କ ମୃତ୍ୟୁ ଖବର ପ୍ରଚାରିତ ହେଲାପରେ ଶିକ୍ଷକ, ଶିକ୍ଷୟିତ୍ରୀ ମହଲ ତଥା ଏବଂ ତାଙ୍କ ପରିଚିତ ମହଲରେ ଗଭୀର ଶୋକ ପ୍ରକାଶ ପାଇଛି । ସ୍ୱର୍ଗତ ପୂର୍ଣିମା ପଟେଲ ବିଶିଷ୍ଟ କମ୍ୟୁନିଷ୍ଟ ନେତା ଈଶ୍ୱର ନାଏକଙ୍କ ପୁତ୍ରବଧୂ ଏବଂ ଶାସନ ସ୍ଥିତ ଡି.ପି.ଏ କଳେଜ ର ଅଧ୍ୟକ୍ଷ ଶୋଷିତ ନାଏକଙ୍କ ଧର୍ମପତ୍ନୀ । ବିଧିର ବିଧାନ ବଡ ବିଚିତ୍ର ଆଜି ପୂଣିମାଙ୍କ ଜନ୍ମ ଦିବସ ରେ ତାଙ୍କର ମୃତ୍ୟୁ ହୋଇଯାଇଛି ।
Comments are closed.