ଗଡମଧୁପୁର : ଧର୍ମଶାଳ ଥାନା ଅନ୍ତର୍ଗତ ଆରୁହା ପଂଚାୟତ ଆରୁହା ଝରଗାଡିଆ ପୋଖରୀରୁ ଏକ ମୃତ ଦେହ ଉଦ୍ଧାର କରାଯାଇଛି। ମୃତ ଯୁବକ ଜଣକ ନାନପୁର ଗ୍ରାମର ସୁଶାନ୍ତ ଦେହୁରୀ(୩୦) ବୋଲି ଜଣାପଡିଛି। ଖବର ନେବାରେ ଜଣା ପଡିଛି ଦିନ ୨ଟା ପରଠାରୁ ସୁଶାନ୍ତ ଘରକୁ ଫେରି ନଥିଲା। ଘର ଲୋକେ ଅନେକ ଖୋଜା ଖୋଜି କରିବା ପରେ ଏହି ପୋଖରୀ ହୁଡାରେ ତାର ପୋଷାକ ଓ ଜୋତା ଥିବାର ଦେଖି ସନ୍ଦେହ ହୋଇଥିଲା। ପୋଖରୀରେ ଖୋଜାଖୋଜି କରିବା ପରେ ତାର ମୃତ ଦେହ ଉଦ୍ଧାର ହୋଇଥିଲା। ମୃତ୍ୟୁର କାରଣ ଅସ୍ପଷ୍ଟ ରହିଥିବା ବେଳେ କୌଣସି କାରଣରୁ ପୋଖରୀରେ ବୁଡି ମରିଥିବା ତାର ଭାଇ ସତିଆ ଦେହୁରୀ ପ୍ରକାଶ କରିଛନ୍ତି। ତେବେ ମୃତ ସୁଶାନ୍ତ ନାନପୁର ଗାଁରୁ ଝରଗାଡିଆ ପର୍ଯ୍ୟନ୍ତ କାହିିଁକି ଆସିଥିଲା ଓ ସେଠାରେ କେଉଁ ପରିସ୍ଥିତିରେ ତାର ମୃତ୍ୟୁ ହେଲା ସେ ନେଇ ସାଧାରଣରେ ସନ୍ଦେହ ଉପୁଜୁଥିବାରୁ ଧର୍ମଶାଳା ପୁଲିସ ଏହାର ଉପଯୁକ୍ତ ତଦନ୍ତ କରି ମୃତ୍ୟୁର କାରଣ ଖୋଜିବାକୁ ସାଧାରଣରେ ଦାବି ହେଉଛି। ସୁଶାନ୍ତ ପରିବାରର ଏକମାତ୍ର ରୋଜଗାର କ୍ଷମ ବ୍ୟକ୍ତି ହୋଇଥିବାରୁ ତାର ମୃତ୍ୟୁରେ ପ୍ରଶାସନ ଆର୍ଥିକ ସହାୟତା ଯୋଗାଇ ଦେବାକୁ ଦାବି ହୋଇଛି।
Popular Categories
Previous article
Next article