ଭୁବନେଶ୍ୱର : ନବୀନଙ୍କୁ ହଟାଇବା ମୋର ଏକମାତ୍ର ଲକ୍ଷ୍ୟ । ଯିଏ ତାଙ୍କୁ ହଟାଇବ ମୁଁ ତାଙ୍କ ସାଙ୍ଗରେ ରହିବି । ଯଦି ବିଜେପି ବିକାଶ ସହ ଦୁର୍ନୀତିକୁ ହଟାଇବାକୁ ଆଗେଇ ଆଶିବ ତେବେ ମୁଁ ବିଜେପିକୁ ସମର୍ଥନ କରିବାରେ କୌଣସି ଅସୁବିଧା ନାହିଁ ବୋଲି ବିଜେଡିରୁ ବହିଷ୍କୃତ ହୋଇଥିବା ବରିଷ୍ଠ ନେତା ଦାମୋଦର ରାଉତ ଗଣମାଧ୍ୟମରେ କହିଛନ୍ତି ।
ଦାମୋଦର ରାଉତଙ୍କ ବୟାନରେ ତାଙ୍କ ପୁଅ ସମ୍ବିତ ରାଉତ ଗଣମାଧ୍ୟମରେ ପ୍ରତିକ୍ରିୟା ରଖି କହିଛନ୍ତି ଡକ୍ଟର ଦାମୋଦର ରାଉତ ଯେଉଁ ଦଳକୁ ଯିବେ ସେ ଦଳର ଭଲ ହେବ । ସେ ଟିକେଟ୍ ଆଶାୟୀ ନୁହଁନ୍ତି । ସେ ଅନ୍ୟ ଦଳରେ ମିଶିଲେ ଆମ ବାପ-ପୁଅ ସଂପର୍କ ଉପରେ କୌଣସି ପ୍ରଭାବ ପକାଇବ ନାହିଁ । କେବଳ ବିଚାରବୋଧର ଭିନ୍ନତା ଦେଖିବାକୁ ମିଳିବ ବୋଲି ସମ୍ବିତ ରାଉତ କହିଛନ୍ତି ।
ସୂଚନାଯୋଗ୍ୟ, ଶନିବାର ଦାମ ରାଉତ ନୂଆଦିଲ୍ଲୀରେ କେନ୍ଦ୍ର ମନ୍ତ୍ରୀ ଧମେନ୍ଦ୍ର ପ୍ରଧାନଙ୍କୁ ଭେଟିଥିଲେ । ତେଣୁ ଦାମ ରାଉଦ ବିଜେପିରେ ମିଶିବା ନେଇ ଚର୍ଚ୍ଚା ଆହୁରି ଜୋର ଧରିଛି । ଏହାକୁ ମଧ୍ୟ ଦାମ ରାଉତ ସମ୍ପୂର୍ଣ୍ଣ ଭାବେ ଅସ୍ବୀକାର କରି ନାହାନ୍ତି । କେଉଁ ଦଳରେ ମିଶିବେ ତାହା ଚୂଡାନ୍ତ ହୋଇନାହିଁ । ହେଲେ ୨ରୁ ୩ ଦିନ ମଧ୍ୟରେ ତାହା ସ୍ପଷ୍ଟ ହେବ ବୋଲି ଦାମ ରାଉତ କହିଛନ୍ତି ।
