ନୂଆଦିଲ୍ଲୀ : ‘ବିପର୍ଯ୍ୟୟ’ ପରିଚାଳନା ପାଇଁ ୩ ନୂଆ ଯୋଜନା କରାଯାଇଛି। କେନ୍ଦ୍ର ସ୍ବରାଷ୍ଟ୍ର ମନ୍ତ୍ରୀ ଅମିତ ଶାହା ନୂଆଦିଲ୍ଲୀର ବିଜ୍ଞାନ ଭବନରେ ରାଜ୍ୟ ତଥା କେନ୍ଦ୍ରଶାସିତ ଅଞ୍ଚଳର ବିପର୍ଯ୍ୟୟ ପରିଚାଳନା ମନ୍ତ୍ରୀଙ୍କ ସହ ଏକ ବୈଠକରେ ଏହି ତିନୋଟି ଯୋଜନା ଘୋଷଣା କରାଯାଇଛି। ଏଥିପାଇଁ ୮୦୦୦ କୋଟିରୁ ଅଧିକ ଟଙ୍କା ହେବ ବୋଲି ଆକଳନ କରାଯାଇଛି। ବିପର୍ଯ୍ୟୟର ତୀବ୍ରତା ଧୀରେ ଧୀରେ ବୃଦ୍ଧି ପାଇବାରେ ଲାଗିଛି। ତେଣୁ ସବୁ ପାଇଁ ଆମକୁ ପ୍ରସ୍ତୁତ ରହିବାକୁ ପଡ଼ିବ। ଯେଉଁ ରାଜ୍ୟରେ ଆଣବିକ ଶକ୍ତି କେନ୍ଦ୍ର ସ୍ଥାପନ କରାଯାଉଛି, ଜରୁରୀକାଳୀନ ପରିସ୍ଥିତିରେ ସେମାନଙ୍କୁ କଠୋର ପ୍ରୋଟୋକଲ ଦିଆଯାଇଛି। ଏହି ଯୋଜନାଗୁଡିକ ବିଷୟରେ ସୂଚନା ଦେଇ ଶାହା କହିଛନ୍ତି ଆଧୁନିକ ସେବା ତଥା ରାଜ୍ୟରେ ଏହାର ବିସ୍ତାର ପାଇଁ ୫୦୦୦ କୋଟି ଟଙ୍କା ଖର୍ଚ୍ଚ ହେବ। ମୁମ୍ବାଇ, ଚେନ୍ନାଇ, କୋଲକାତା, ବେଙ୍ଗାଲୁରୁ, ହାଇଦ୍ରାବାଦ, ଅହମଦାବାଦ ଏବଂ ପୁଣେ ଭଳି ସହରରେ ବନ୍ୟା ପରିସ୍ଥିତି ହ୍ରାସ ପାଇଁ ୨୫୦୦ କୋଟି ଟଙ୍କା ବ୍ୟବହାର କରାଯିବ। ଜାତୀୟ ଭୂସ୍ଖଳନ ବିପଦ ହ୍ରାସ ଯୋଜନା ଅଧୀନରେ ୧୭ଟି ରାଜ୍ୟ ତଥା କେନ୍ଦ୍ରଶାସିତ ଅଞ୍ଚଳ ପାଇଁ ୮୨୫ କୋଟି ଟଙ୍କା ଖର୍ଚ୍ଚ ହେବ। ଆରବ ସାଗରରେ ପ୍ରବଳ ଘୂର୍ଣ୍ଣିବଳୟ ବିପରଜୟ ଗୁଜରାଟ ଉପକୂଳରେ ପହଞ୍ଚିବାର ସମ୍ଭାବନା ରହିଛି। ଏଥିପାଇଁ ରାଜ୍ୟ-କେନ୍ଦ୍ର ସରକାର ସମସ୍ତ ପ୍ରସ୍ତୁତି ଚଳାଇଛନ୍ତି।
Comments are closed.