ଲଡୁଗାଁ: ଦିନକୁ ଦିନ ସାଇବର ଅପରାଧ ବଢିବାରେ ଲାଗିଛି। ସଚେତନତା ଅଭାବରୁ ଲୋକେ ସାଇବର ଠକମାନଙ୍କ ଶିକାର ହେଉଛନ୍ତି। ଏହାକୁ ଦୃଷ୍ଟିରେ ରଖି କଳାହାଣ୍ଡି ପୁଲିସ ପ୍ରଶାସନ ପକ୍ଷରୁ ସାଇବର ଅପରାଧ ରୋକିବା ଓ ଜନସାଧାରଣଙ୍କୁ ସଚେତନ କରିବା ଉଦ୍ଦେଶ୍ୟରେ ପ୍ରତି ପୁଲିସ ଥାନା ଅଧୀନରେ ପଥପ୍ରାନ୍ତ ସଭା ସହିତ ସଚେତନତା ରଥ ବୁଲି ଲୋକଙ୍କ ମଧ୍ୟରେ ସଚେତନତା ସୃଷ୍ଟି କରାଯାଉଛି। ମଙ୍ଗଳବାର କୋକସରା ଥାନା ପରିସରରେ ସାଇବର ଅପରାଧର ବିଭିନ୍ନ ଦିଗ ପ୍ରତି ସତର୍କ ରହିବାକୁ ସଚେତନ କରାଯାଇଛି। ଏହି କାର୍ଯ୍ୟକ୍ରମରେ ମୁଖ୍ୟ ଅତିଥି ଭାବେ ଧର୍ମଗଡ଼ ବିଧାୟକ ମୌଷଧି ବାଗ, ସମ୍ମାନିତ ଅତିଥି ଭାବେ ତହସିଲଦାର ଦେବବ୍ରତ କରାଟି, ସାଇବର ସେଲର ଅଧିକାରୀ ବି. ଏନ. ନାୟକ ଯୋଗଦେଇ ସାଇବର ଅପରାଧର ଡିଜିଟାଲ ଠକେଇ ଓ ଠକଙ୍କ ପ୍ରଲୋଭନରେ ନପଡିବାକୁ ପରାମର୍ଶ ଦେବା ସହ ସଚେତନ କରିଥିଲେ। କାର୍ଯ୍ୟକ୍ରମକୁ କୋକସରା ଥାନା ଅଧିକାରୀ ରୋନିତା ପ୍ରଧାନ ପରିଚାଳନା କରିଥିବା ବେଳେ ସମସ୍ତ ଥାନା କର୍ମଚାରୀ ସହଯୋଗ କରିଥିଲେ।
Comments are closed.