ବହୁ ସମୟରେ ଏଭଳି କିଛି ଘଟଣା ସାମ୍ନାକୁ ଆସିଥାଏ, ଯାହା ସଭିଁଙ୍କୁ ଆଶ୍ଚର୍ଯ୍ୟ କରି ଦେଇଥାଏ। ଏଭଳି ଏକ ଘଟଣା ଏବେ ସାମ୍ନାକୁ ଆସିଥିବା ଜଣାପଡ଼ିଛି।
ଅଷ୍ଟ୍ରେଲିୟାରେ ଜଣେ ବ୍ୟକ୍ତି ନଦୀରେ ମାଛ ଧରିବାର ପ୍ରୟାସ କରୁଥିଲେ। ମାତ୍ର ଯେଉଁଥିରେ ମାଛ ଧରିବାକୁ ଚେଷ୍ଟା କରୁଥିଲେ ସେଥିରେ ଧରାଦେଇଥିଲା ଏକ କୁମ୍ଭୀର। କୁମ୍ଭୀରକୁ ଦେଖି ଉକ୍ତ ବ୍ୟକ୍ତି ଓ ତାଙ୍କ ସହ ଥିବା ତାଙ୍କ ବନ୍ଧୁମାନେ ଚମକି ପଡ଼ିଥିଲେ। ବ୍ୟକ୍ତି ଜଣ ଦୀର୍ଘ ସମୟ ଧରି ମାଛ ଧରିବାକୁ ପ୍ରୟାସ କରୁଥିଲେ। ମାତ୍ର ବ୍ୟକ୍ତିଙ୍କୁ ମାଛ ବଦଳରେ ଧରା ଦେଇଥିଲା ଏକ କୁମ୍ଭୀର। ଏହି ଭିଡିଓ ଏବେ ସୋସିଆଲ ମିଡ଼ିଆରେ ବେଶ ଭାଇରାଲ ହେଉଛି।
ଭିଡ଼ିଓରେ ସମ୍ପୂର୍ଣ୍ଣ ଦେଖାଯାଉଛି, ମାଛ ବଦଳରେ କୁମ୍ଭୀରଟି ଫସିଯିବା ପରେ ସେ ସେଥିରୁ ବାହାରିବା ପାଇଁ ପ୍ରୟାସ ଆରମ୍ଭ କରି ଦେଇଥିଲା। ମାଛ ପାଇଁ ଥିବା କଣ୍ଟାରେ କୁମ୍ଭୀର ଫସିବା ପରେ ତା’ର ଓଜନ ଅଧିକ ହେବାରୁ କୁମ୍ଭୀରଟି କଣ୍ଟାକୁ ଛିଣ୍ଡାଇ ପାଣି ଭିତରକୁ ପଳାଇ ଯାଇଥିଲା।
