ଦେଶରେ କୋଭିଡ ଟିକାକରଣ ଦ୍ରୁତ ଗତିରେ ବୃଦ୍ଧି ପାଉଛି। ଆଜି ସକାଳ ସୁଦ୍ଧା ସାରା ଦେଶରେ ୨ ଲକ୍ଷ ୬୪ ହଜାର ୩୧୫ଟି ସେସନରେ ୧ କୋଟି ୨୬ ଲକ୍ଷ ୭୧ ହଜାର ୧୬୩ ଜଣଙ୍କୁ ଟିକାକରଣ କରାଯାଇଛି। ଗତ ୨୪ ଘଣ୍ଟା ମଧ୍ୟରେ ୯ ହଜାର ୯୫୯ଟି ସେସନରେ ୫ ଲକ୍ଷ ୩ ହଜାର ୯୪୭ ଜଣଙ୍କୁ ଟିକା ଦିଆଯାଇଥିବା କେନ୍ଦ୍ର ସ୍ୱାସ୍ଥ୍ୟ ମନ୍ତ୍ରାଳୟ ସୂଚନା ଦେଇଛି। ଏବେ ଦେଶରେ ଉଭୟ ପ୍ରଥମ ଓ ଦ୍ଵିତୀୟ ପର୍ଯ୍ୟାୟ ଟିକାକରଣ ଚାଲିଛି। ଗତ ୨୪ ଘଣ୍ଟା ମଧ୍ୟରେ ପ୍ରଥମ ପର୍ଯ୍ୟାୟ ଟିକାକରଣରେ ୨ ଲକ୍ଷ ୮୭ ହଜାର ୩୨ ଜଣକୁ ଟିକା ଦିଆଯାଇଥିବା ବେଳେ ଦ୍ଵିତୀୟ ପର୍ଯ୍ୟାୟରେ ୨ ଲକ୍ଷ ୧୬ ହଜାର ୯୧୫ ଜଣଙ୍କୁ ଟିକା ଦିଆଯାଇଛି। ଏ ପର୍ଯ୍ୟନ୍ତ ପ୍ରଥମ ପର୍ଯ୍ୟାୟରେ ଦେଶରେ ୧ କୋଟି ୧୦ ଲକ୍ଷ ୫୪ ହଜାର ୮୧୫ ଓ ଦ୍ଵିତୀୟ ପର୍ଯ୍ୟାୟରେ ୧୬ ଲକ୍ଷ ୧୬ ହଜାର ୩୪୮ ଜଣଙ୍କୁ ଟିକା ଦିଆଯାଇ ସାରିଛି।
ଟିକାକରଣ କ୍ଷେତ୍ରରେ ଦେଶରେ ଉତ୍ତରପ୍ରଦେଶ ଆଗରେ ରହିଛି। ଉତ୍ତରପ୍ରଦେଶରେ ଆଜି ସୁଦ୍ଧା ୧୨ ଲକ୍ଷ ୨୬ ହଜାର ୭୭୫ ଜଣଙ୍କୁ ଟିକା ଦିଆଯାଇଥିବା ବେଳେ ମହାରାଷ୍ଟ୍ରରେ ୧୦ ଲକ୍ଷ ୮୭ ହଜାର ୧୧୧, ରାଜସ୍ଥାନରେ ୯ ଲକ୍ଷ ୩୧ ହଜାର ୨୨୨, ଗୁଜରାଟରେ ୯ ଲକ୍ଷ ୧୦ ହଜାର ୬୮୩, ପଶ୍ଚିମବଙ୍ଗରେ ୮ ଲକ୍ଷ ୮୬ ହଜାର ୪୯୧, କର୍ଣ୍ଣାଟକରେ ୭ ଲକ୍ଷ ୬୫ ହଜାର ୬୬୯, ମଧ୍ୟ ପ୍ରଦେଶରେ ୭ ଲକ୍ଷ ୨୪ ହଜାର ୩୫୦ ଓ ବିହାରରେ ୬ ଲକ୍ଷ ୭୯୫ ଜଣଙ୍କୁ କୋଭିଡ ଟିକା ଦିଆଯାଇଛି।
