ନୂଆଦିଲ୍ଲୀ : ଦେଶରେ କରୋନା ସଂକ୍ରମଣ ପୁଣି ବୃଦ୍ଧି ହେଉଥିବା ଦେଖାଯାଇଛି। ଦୀର୍ଘ ୧୩୪ ଦିନ ପରେ ରବିବାର ଦେଶରେ କରୋନାର ସକ୍ରିୟ ମାମଲା ୧୦ ହଜାର ଅତିକ୍ରମ କରିଛି। କେନ୍ଦ୍ର ସ୍ୱାସ୍ଥ୍ୟ ମନ୍ତ୍ରାଳୟ ପକ୍ଷରୁ ଏନେଇ ସୂଚନା ମିଳିଛି। ରବିବାର ଦେଶରେ ୧୮୦୫ ସଂକ୍ରମିତ ଚିହ୍ନଟ ହୋଇଛନ୍ତି। ସଂକ୍ରମିତଙ୍କ ସଂଖ୍ୟା ବୃଦ୍ଧି ପାଇବା ସହ ସଂକ୍ରମଣ ହାର ୩.୧୯% ହୋଇ ଯାଇଛି। ସେହିପରି ସପ୍ତାହିକ ସଂକ୍ରମଣ ହାର ୧.୩୯ ପ୍ରତିଶତ ହୋଇ ଯାଇଛି। ସ୍ୱାସ୍ଥ୍ୟ ମନ୍ତ୍ରାଳୟ ଅନୁଯାୟୀ, ଦେଶରେ ସକ୍ରିୟ ଆକ୍ରାନ୍ତଙ୍କ ସଂଖ୍ୟା ୧୦ ହଜାର ଅତିକ୍ରମ କରିଛି।
ଗତ ୨୪ ଘଣ୍ଟାରେ ୬ ସଂକ୍ରମିତଙ୍କ ମୃତ୍ୟୁ ହୋଇଛି। ମୋଟ କରୋନା ଜନିତ ମୃତ୍ୟୁ ସଂଖ୍ୟା ୫,୩୦,୮୩୭ରେ ପହଞ୍ଚିଛି।
