ନବରଙ୍ଗପୁର: ନବରଙ୍ଗପୁର ସ୍ଥିତ କୋଭିଡ ମେଡିକାଲ ପରିସରରେ ଆଜି ଏକ ଅଭାବନୀୟ ଘଟଣା ଘଟିଛି। କୋଭିଡ ଆକ୍ରାନ୍ତ ବ୍ୟକ୍ତିଙ୍କ ମୃତ୍ୟୁ ପରେ ଉତେଜନା ଦେଖାଦେଇଛି । ବାପାଙ୍କ ଚିକିତ୍ସାଧୀନ ଅବସ୍ଥାରେ ମୃତ୍ୟୁ ପରେ ଦୁଇ ପୁଅ ଉତେଜିତ ହୋଇ ମେଡିକାଲରେ ପସି ଭଙ୍ଗାରୁଜା କରିବା ସହ ମହାପ୍ରୟାଣ ଗାଡିର କାଚ ଭାଙ୍ଗିଥିବା ଅଭିଯୋଗ ହୋଇଛି ।
ବାପାଙ୍କ ମୃତ୍ୟୁ ପରେ ଦୁଇ ପୁଅ ମହାପ୍ରୟାଣ ଗାଡିକୁ ଭାଙ୍ଗିବା ସହ ଡାକ୍ତରଖାନା ପରିସର ରେ ଥିବା ଟେବୁଲ ଚେଆର ମଧ୍ୟ ଭାଙ୍ଗିଥିବା ସୂଚନା ମିଳିଛି । ଗତ କାଲି ନବରଙ୍ଗପୁର ସହରର ଜଣେ ବ୍ୟକ୍ତି କୋଭିଡରେ ଆକ୍ରାନ୍ତ ହୋଇ ନବରଙ୍ଗପୁର କୋଭିଡ ଡାକ୍ତରଖାନାରେ ଭର୍ତି ହୋଇଥିଲେ। ହେଲେ ଚିକିତ୍ସାଧୀନ ଅବସ୍ଥାରେ ଆଜି ଦିନ ୪ ଟାରେ ତାଙ୍କ ମୃତ୍ୟ ଘଟିଥିଲା। ମୃତ୍ୟୁ ଖବର ପରିବାର ଲୋକଙ୍କୁ ଦିଆଯିବା ସହ ମହାପ୍ରୟାଣ ଗାଡିରେ ଶବ ସତ୍କାର କରାଯିବାର ବ୍ୟବସ୍ତା କରାଯାଇଥିଲା। ଠିକ ଏହି ସମୟରେ ମୃତ ବ୍ୟକ୍ତିଙ୍କ ଦୁଇ ପୁଅ ପହଞ୍ଚି ଭଙ୍ଗାରୁଜା ଆରମ୍ଭ କରିଦେଇଥିଲେ। ଉତ୍ତେଜନା ଖବର ପାଇ ପୋଲିସ ପହଞ୍ଚି ଦୁଇ ପୁଅଙ୍କୁ ଥାନାରେ ଅଟକ ରଖିଛି । ପ୍ରଶାସନ ପକ୍ଷରୁ ଉପଜିଲ୍ଲାପାଳ ଭାସ୍କର ରାଇତ ଏବଂ ଜିଲ୍ଲା ମୁଖ୍ୟ ଚିକିତ୍ସାଧିକାରୀ ପହଞ୍ଚି ତଦନ୍ତ ଆରମ୍ଭ କରିଛନ୍ତି।
Comments are closed.