ସମାଜ ପୋର୍ଟାଲ ଡେସ୍କ: ଜାତିସଂଘ ମହାସଚିବ ଆଣ୍ଟୋନିଓ ଗୁଟେରସ କହିଛନ୍ତି, କରୋନା ଭୂତାଣୁ ସଂକ୍ରମଣ ବିଶ୍ୱବ୍ୟାପୀ ହେବା ସହ ଏହା ମାନବୀୟ ସଂକଟ ସୃଷ୍ଟି କରିଛି ଓ ମାନବାଧିକାର କ୍ଷେତ୍ରରେ ମଧ୍ୟ ବଡ ସଂକଟ ଆଣିଛି। ଏକ ଭିଡ଼ିଓ ବାର୍ତ୍ତାରେ ଗୁଟେରସ କହିଛନ୍ତି କୋଭିଡ ନାଇଣ୍ଟିନର ମୁକାବିଲା ପାଇଁ ସେବା ପ୍ରଦାନରେ ପକ୍ଷପାତ ହେଉଥିବା ଦେଖିବାକୁ ମିଳିଛି। ସେ କହିଛନ୍ତି ଯେ କୋଭିଡ ନାଇଣ୍ଟିନ୍ ସଂକ୍ରମଣ କିଛି ସମ୍ପ୍ରଦାୟ ପ୍ରତି ଅଶ୍ଳୀଳ ଭାବ ସୃଷ୍ଟି କରିଛି ଓ ଏହାକୁ ନେଇ ସମାଜରେ ଘୃଣାଭାବ ସୃଷ୍ଟିକାରୀ ମନ୍ତବ୍ୟ, ଦୁର୍ବଳ ଶ୍ରେଣୀଗୁଡ଼ିକ ଉପରେ ଅତ୍ୟାଚାର ପ୍ରଭୃତି ବୃଦ୍ଧି ପାଇଛି। କଡ଼ା ସୁରକ୍ଷା ପଦକ୍ଷେପ ଯୋଗୁଁ ସ୍ୱାସ୍ଥ୍ୟସେବା ଯୋଗାଣରେ ଅସୁବିଧା ଦେଖା ଦେଇଛି।
#COVID19 is a public health emergency — that is fast becoming a human rights crisis.
People — and their rights — must be front and centre.
My new report on how human rights can and must guide #coronavirus response & recovery: https://t.co/CmYirKbsci pic.twitter.com/rssMV0MPBg
— António Guterres (@antonioguterres) April 23, 2020
କିଛି ଦେଶରେ ଜାତିଗତ ଜାତୀୟତାଭାବ, ଲୋକମାନଙ୍କ ତୁଷ୍ଟିକରଣ, ଏକଛତ୍ରବାଦ ଓ ମାନବାଧିକାର ଲଙ୍ଘନ ଭଳି ଘଟଣାଗୁଡ଼ିକ ପାଇଁ ସେ କିଛି ଦେଶକୁ ଚେତାବନୀ ଦେଇଛନ୍ତି। ପୂର୍ବରୁ ଗୁଟେରସ ସମଗ୍ର ବିଶ୍ୱରେ ମାନବାଧିକାର ସୁରକ୍ଷାପାଇଁ ସମସ୍ତ ଦେଶ, ବ୍ୟବସାୟିକ ସଂଗଠନ ଓ ଜନସାଧାରଣଙ୍କୁ ଆହ୍ୱାନ ଦେଇଥିଲେ। ସେ କହିଥିଲେ ଦେଶଗୁଡ଼ିକର ସରକାରମାନେ ସେମାନଙ୍କର ନୀତିରେ ସ୍ୱଚ୍ଛତା, ଉତ୍ତରଦାୟିତା, ବାକ୍ ସ୍ୱାଧୀନତା ପ୍ରଭୃତି ବଜାୟ ରଖିବା ଅତ୍ୟନ୍ତ ଅପରିହାର୍ଯ୍ୟ। ଦେଖନ୍ତୁ ଭିଡ଼ିଓ –
Comments are closed.