bjd gruha runa banner

ମଞ୍ଜାରୀପଦା ଗାଁକୁ ଛୁଇଁପାରିନି କରୋନା

mission shakti banner

ଆଠଗଡ : ଆଠଗଡ ବ୍ଲକ ଅନ୍ତର୍ଗତ ୩୪ଟି ପଞ୍ଚାୟତ ଅଧିନ ପ୍ରାୟ ସମସ୍ତ ଗ୍ରାମରେ ଜଣେ ହେଉ ବା ତତୋଧିକ କରୋନା ଆକ୍ରାନ୍ତ ବାହାରିଥିବାବେଳେ ମହାକାଳବସ୍ତ ପଞ୍ଚାୟତ ଅନ୍ତର୍ଗତ ମଞ୍ଜାରୀପଦା ଗ୍ରାମକୁ ଛୁଇଁପାରିନାହିଁ କରୋନା ସଂକ୍ରମଣ। ଗତବର୍ଷ ପ୍ରଥମ ପର୍ଯ୍ୟାୟ ହେଉ ଅବା ଏବେ ୨ୟ ପର୍ଯ୍ୟାୟରେ ମଧ୍ୟ ଉକ୍ତ ଗ୍ରାମରେ ଜଣେ ହେଲେ କରୋନାରେ ସଂକ୍ରମିତ ହୋଇନଥିବା ଏକ ଉଲ୍ଲେଖ ଯୋଗ୍ୟ ଘଟଣା। ପ୍ରାୟ ୬୦୦ରୁ ଉର୍ଦ୍ଧ ଲୋକ ବସବାସ କରୁଥିବା ଉକ୍ତ ଗ୍ରାମର ସମସ୍ତ ଅଧିବାସୀ ଗ୍ରାମକୁ କିପରି କରୋନା ସଂକ୍ରମଣ ନପଶିବ ସେଥିଲାଗି ବ୍ୟାପକ ସଚେତନତା ଓ ସତର୍କତାମୂଳକ ପଦକ୍ଷେପ ନେଇଛନ୍ତି। କରୋନା ସଂକ୍ରମଣ ରୋକିବା ଲାଗି ଗ୍ରାମର ଲୋକମାନେ ରାଜ୍ୟସରକାରଙ୍କ ଦ୍ୱାରା ଜାରି ସମସ୍ତ ନିର୍ଦ୍ଦେଶାନାମାକୁ ଅକ୍ଷରେ ଅକ୍ଷରେ ପାଳନ କରୁଛନ୍ତି ବୋଲି ଗ୍ରାମବାସୀ ପ୍ରକାଶ କରିଥିଲେ। ଗ୍ରାମକୁ କେହି ବାହାର ଲୋକ ଯେପରି ନଆସିବେ, ଗ୍ରାମରୁ ବାହାରକୁ ଯାଉଥିବା ଲୋକ ଯେପରି ମାସ୍କ ପରିଧାନ କରିବେ ଓ ଫେରିବା ପରେ ହାତ ବିଶୋଧନ କରିବେ ସେ ଦିଗରେ ଗ୍ରାମବାସୀ ବେଶ ସଚେତନତା ସୃଷ୍ଟି କରିଛନ୍ତି। ଗ୍ରାମର ୪ଟି ପ୍ରବେଶପଥରେ ନିୟମିତ ବିଶୋଧନ କରିବା ସହ ଗ୍ରାମ ମଧ୍ୟରେ ଏକତ୍ରିତ ହୋଇ କୌଣସି କାର୍ଯ୍ୟକ୍ରମ ଆୟୋଜନକୁ ମଧ୍ୟ ବାରଣ କରିଥାନ୍ତି ବୋଲି ଗ୍ରାମର ପ୍ରତାପ ବେଉରା, ଲକ୍ଷ୍ମୀଧର ବେଉରା, ସ୍ମୃତିରଞ୍ଜନ ସାହୁ, ଦୀପକ ସାହୁ, ନିହାର ରଞ୍ଜନ ସାହୁ, ଶ୍ରୀକାନ୍ତ ବାଘ, ବିନୋଦ ବେଉରା ପ୍ରମୁଖ ପ୍ରକାଶ କରିଛନ୍ତି। ଏହିପରି ସଚେତନତା ଓ ସତର୍କତାମୂଳକ ପଦକ୍ଷେପ ଦ୍ୱାରା ସଂକ୍ରମଣ ପଶିନଥିବା ମଞ୍ଜାରୀପଦା ଗ୍ରାମ ଅନ୍ୟମାନଙ୍କ ପାଇଁ ଉଦାହରଣ ପାଲଟିଛି।

Comments are closed.