ସମାଜ ଡିଜିଟାଲ ଡେସ୍କ: ହାତୀ ବୁଦ୍ଧିଆ ଜନ୍ତୁ ଭାବେ ପରିଚିତ। ଛୁଆ ହାତୀଠାରୁ ଆରମ୍ଭ କରି ବଡ଼ ହାତୀ ପର୍ଯ୍ୟନ୍ତ ବିଭିନ୍ନ ସମୟରେ କୌତୁକିଆ ଢଙ୍ଗ ପାଇଁ ଚର୍ଚ୍ଚାରେ ରହିଥାଆନ୍ତି। ଏମିତି ଏକ ଭିଡିଓ ଏବେ ସାମାଜିକ ଗଣମାଧ୍ୟମରେ ଦେଖିବାକୁ ମିଳିଛି, ଯେଉଁଥିରେ ହାତୀ କେତେ ଚତୁର ତାହା ଦେଖିବାକୁ ମିଳିଛି।
ହାତୀଙ୍କୁ ସବୁଠୁ ବେଶୀ ଭୟ ତାର ବାଡ଼। ନେକ ସମୟରେ ତାର ବାଡ଼ରେ କରେଣ୍ଟ ଦେଇ ହାତୀଙ୍କୁ ଶିକାରୀ ହତ୍ୟା କରୁଛନ୍ତି। ଭିଡିଓରେ ଦେଖିବାକୁ ମିଳିଛି ଯେ, ଏକ ହାତୀ ରାସ୍ତା ପାର ହେବା ସମୟରେ ତାର ବାଡ଼ ପଡ଼ୁଛି। ତାର ବାଡ଼ ଯୋଗୁ ହାତୀଟି ଅଟକି ଯାଉଛି। କିଛି ସମୟ ପରେ ହାତୀ ନିଜ ଗୋଡ଼ରେ ତାର ବାଡ଼କୁ ଛୁଇଁ ସେଥିରେ କରେଣ୍ଟ ଅଛି କି ନାହିଁ ତାହା ଯାଞ୍ଚ କରୁଛି। କିଛି ସମୟ ଯାଞ୍ଚ କରିବା ପରେ ତାର ବାଡ଼ ଭାଙ୍ଗି ତରବରିଆ ଭାବେ ରାସ୍ତା ପାର ହୋଇ ଜଙ୍ଗଲକୁ ଚାଲିଯାଉଛି। ଏହି ଦୃଶ୍ୟକୁ ରାସ୍ତାରେ ଅଟକିଥିବା କିଛି ପଛଚାରୀ ମୋବାଇଲରେ କଏଦ କରିଛନ୍ତି, ଯାହା ଅତ୍ୟନ୍ତ କୌତୁହଳପୂର୍ଣ୍ଣ ଏବଂ ରୋମାଞ୍ଚକର ହୋଇଛି।
Elephant carefully tests electric fence before removing it pic.twitter.com/3YMMKpPq8l
— Nature is Amazing ☘️ (@AMAZlNGNATURE) September 16, 2024
