ପୁରୀ : ବଡ଼ଦିନ ଉପଲକ୍ଷେ ଅନ୍ତର୍ଜାତୀୟ ବାଲୁକାଶିଳ୍ପୀ ପଦ୍ମଶ୍ରୀ ସୁଦର୍ଶନ ପଟ୍ଟନାୟକ ଗୁରୁବାର ପୁରୀ ବେଳାଭୂମିରେ ବିଶ୍ବର ସର୍ବବୃହତ ବାଲୁକା ମାସ୍କ ପ୍ରସ୍ତୁତ କରିଛନ୍ତି। ଏହାର ଲମ୍ବ ୧୦୦ଫୁଟ ଏବଂ ଚଉଡା ୫୦ଫୁଟ ରହିଛି। ବାଲୁକା ମାସ୍କକୁ ୨ଜଣ ସାନ୍ତାକ୍ଲଜ ଧରିଥିବା ଦେଖିବାକୁ ମିଳିଛି। କରୋନା ସଂକ୍ରମଣ ରୋକିବା ପାଇଁ ମାସ୍କ ବ୍ୟବହାର ସମ୍ପର୍କରେ ସର୍ବବୃହତ ବାଲୁକା ମାସ୍କ ପ୍ରସ୍ତୁତ କରିଥିବା ସୁଦର୍ଶନ କହିଛନ୍ତି। ଏହି ବାଲୁକା ମାସ୍କ ଅନ୍ତର୍ଜାତୀୟ ପୁରସ୍କାର ଏବଂ ସ୍ବୀକୃତି ପାଇବ ବୋଲି ସେ ଆଶା ରଖିଛନ୍ତି।
ମାସ୍କ ବ୍ୟବହାର କରି ସୁରକ୍ଷିତ ରହିବାକୁ ବାଲୁକାକଳା ମାଧ୍ୟମରେ ପରାମର୍ଶ ଦିଆଯାଇଛି। ବାଲୁକା ସାନ୍ତାକ୍ଲଜ ଏବଂ ମାସ୍କ ଦେଖିବାକୁ ବେଳାଭୂମିରେ ପର୍ଯ୍ୟଟକଙ୍କ ଭିଡ଼ ଦେଖିବାକୁ ମିଳିଛି।
ବିଶ୍ବର ସର୍ବବୃହତ୍ ବାଲୁକା ମାସ୍କ
Popular Categories
Previous article
Next article