ବେଜିଂ: ରୁଷ ପ୍ରଥମେ କରୋନା ଟିକା ପ୍ରସ୍ତୁତ କରିଥିବା ଘୋଷଣା କରିଛି। ଏହି ଟିକାର ନାଁ ହେଉଛି ‘ସ୍ଫୁଟନିକ ବି’। ଆଗାମୀ ୨ ସପ୍ତାହ ଭିତରେ ଏହା ବଜାରକୁ ଆସିବ। କିନ୍ତୁ ଏହା ପୂର୍ବରୁ ରୁଷର ଦାବିକୁ ନେଇ ବିବାଦ ସୃଷ୍ଟି ହୋଇଛି। ଚୀନ ପ୍ରଥମେ କରୋନା ଟିକା ପ୍ରସ୍ତୁତ କରିଥିବା କହିବା ପରେ ଏହି ବିବାଦ ଆରମ୍ଭ ହୋଇଛି। ଆଗାମୀ ୨ ସପ୍ତାହ ମଧ୍ୟରେ ରୁଷ ଟିକା ବଜାରକୁ ଛାଡ଼ିବା ଯୋଜନା କରୁଥିବାବେଳେ ଚୀନ ବି ନିଜ ଟିକାକୁ ବଜାରକୁ ଆଣିବାକୁ ଦ୍ରୁତଗତିରେ ଉଦ୍ୟମ ଜାରି ରଖିଛି। ଫଳରେ କରୋନା ଟିକା ବଜାରକୁ ଆଣିବା ଲାଗି ଉଭୟ ଦେଶ ମଧ୍ୟରେ ଛକାପଞ୍ଛା ଚାଲିଛି।
ଚୀନ ବାରମ୍ବାର ପ୍ରଥମେ ଟିକା ପ୍ରସ୍ତୁତ କରିଥିବା ଦାବି କରି ଶ୍ରେୟ ନେବାକୁ ଚାହୁଁଛି। ଚୀନରେ ଏବେ ଟିକାର ୩ୟ ପର୍ଯ୍ୟାୟ ପରୀକ୍ଷଣ ଚାଲୁ ରହିଛି। ପିପୁଲ୍ସ ଲିବରେଶନ ଆର୍ମି(ପିଏଲଏ)ର ମେଜର ଜେନେରାଲ ଶେନ୍ ବିଙ୍କ ନେତୃତ୍ଵରେ ତିଆରି ହେଉଥିବା ଏହି ଟିକାର କ୍ଲିନିକାଲ ଟ୍ରାଏଲ ମାର୍ଚ୍ଚ ୧୬ରେ ଆରମ୍ଭ ହୋଇଥିବାବେଳେ ୨ୟ ପର୍ଯ୍ୟାୟ ପରୀକ୍ଷଣ ଏପ୍ରିଲ ୧୨ରେ ହୋଇଛି। ରୁଷ ଯେତେବେଳଠାରୁ କରୋନା ଟିକା ପ୍ରସ୍ତୁତ କରିବାର ଖବର ପ୍ରକାଶ କରିଛି, ସେବେଠାରୁ ଚୀନ ପ୍ରଥମେ ଟିକା ପ୍ରସ୍ତୁତ କରିଥିବା ଦାବି କରୁଛି। ଚୀନର କହିବା ଅନୁସାରେ, ରୁଷ ଯେଉଁ କାମ ଏବେ କରୁଛି, ଚୀନ ତାହା ଏପ୍ରିଲରେ ଶେଷ କରିଥିଲା। ଏଥିଲାଗି ଚୀନ ବିଶ୍ଵ ସ୍ବାସ୍ଥ୍ୟ ସଂଗଠନର ବିବୃତ୍ତିକୁ ମଧ୍ୟ ଉଲ୍ଲେଖ କରିଛି। ଚୀନରେ ଏପ୍ରିଲ ମାସରେ ହୋଇଥିବା କ୍ଲିନିକାଲ ଟ୍ରାଏଲକୁ ଡବ୍ଲ୍ୟୁଏଚଓ ବିଶ୍ଵର ପ୍ରଥମ ପରୀକ୍ଷଣ ବୋଲି ସ୍ପଷ୍ଟ କରିଛି। ତେଣୁ ବିଶ୍ଵରେ ପ୍ରଥମେ ଟିକା ପ୍ରସ୍ତୁତ କରିଛୁ ବୋଲି ଚୀନ ଦାବି କରିଛି।
Comments are closed.