ଚୌଦ୍ୱାର : ଚୌଦ୍ୱାର ରାହାସ ବିହାରୀ ଜିଉ କ୍ଲବ୍ ଆନୁକୁଲ୍ୟରେ ଏକ ତ୍ରିଦିବସୀୟ କ୍ୟାରମ ଟୁର୍ଣ୍ଣମେଣ୍ଟ ଅନୁଷ୍ଠିତ ହୋଇ ଯାଇଛି । ଏହି ଟୁର୍ଣ୍ଣମେଣ୍ଟରେ ମୋଟ ୧୬ଟି ଟିମ୍ ଅଂଶ ଗ୍ରହଣ କରିଥିଲେ ।ଫାଇନାଲ ମ୍ୟାଚ୍ରେ ଚୌଦ୍ୱାର ରାହାସ ବିହାରୀ ଜିଉ ଟିମ୍ ପୀର ବଜାରର ତ୍ରିରଙ୍ଗା ଟିମ୍କୁ ହରାଇ ଚମ୍ପିୟନ୍ ହୋଇଥିଲେ । ଆୟୋଜିତ ଉଦ୍ୟାପନୀ ଉତ୍ସବରେ ଚୌଦ୍ୱାର-କଟକ ବିଧାୟକ ଅତିଥି ଭାବେ ଯୋଗଦେଇ ଚମ୍ପିୟନ ଦଳକୁ ନଗଦ ୫ହଜାର ଟଙ୍କା ଓ ଟ୍ରଫି ଏବଂ ରନର୍ସଅପ୍କୁ ନଗଦ ୩ହଜାର ଟଙ୍କା ଓ ଟ୍ରଫି ପ୍ରଦାନ କରିଥିଲେ ।
କାଉନସିଲର ଅଜୟ କୁମାର ବେହେରା ଓ ବିଜେଡ଼ି ନଗର କାର୍ଯ୍ୟକାରୀ ସଭାପତି ବିମଳ କୁମାର ବେଉରା ଏଥିରେ ଅତିଥି ଭାବେ ଯୋଗଦେଇଥିଲେ । ଆୟୋଜକ କ୍ଲବ୍ ସଦସ୍ୟ ସୌମ୍ୟ ସାହୁ, ଅଶୋକ ସାହୁ, ଗିରିଶ ସାହୁ, ରାଜନ୍ ସାହୁ, ରାକେଶ, ଅକ୍ଷୟ, ସୁଭି, ବଣ୍ଟି ପ୍ରମୁଖ କାର୍ଯ୍ୟକ୍ରମ ପରିଚାଳନା କରିଥିଲେ ।
Comments are closed.