ବେଙ୍ଗାଲୁରୁ: ଭାରତୀୟ ମହାକାଶ ଗବେଷଣା ସଂଗଠନ – ଇସ୍ରୋ ଚନ୍ଦ୍ରଯାନ – ୨ର ପ୍ରକ୍ଷେପଣ ନେଇ ମିଳିଥିବା ଅପାର ସମର୍ଥନ ପାଇଁ ଦେଶବାସୀଙ୍କୁ ଧନ୍ୟବାଦ ଜଣେଇଛନ୍ତି। ଏହି ଅଭିଯାନରେ ଲ୍ୟାଣ୍ଡର ବିକ୍ରମ ଚନ୍ଦ୍ର ପୃଷ୍ଠରେ ସଫଳ ଭାବେ ଅବତରଣ ନ କରି ପାରିବା ସତ୍ୱେ ସାରା ଦେଶ ଏକଜୁଟ ହୋଇ ଇସ୍ରୋର ମନୋବଳ ବୃଦ୍ଧି କରିଥିବା ବିଷୟକୁ ସଂଗଠନ ସ୍ୱୀକାର କରିଛି। ମଙ୍ଗଳବାର ସନ୍ଧ୍ୟାରେ ଇସ୍ରୋ ଟ୍ୱିଟ କରି ଦେଶବାସୀଙ୍କ ଅଭୂତପୂର୍ବ ସମର୍ଥନର ପ୍ରଶଂସା କରିଛି। କେବଳ ଦେଶ ନୁହେଁ ବରଂ ବିଦେଶରେ ବସବାସ କରୁଥିବା ଭାରତୀୟମାନଙ୍କ ସମର୍ଥନ ଓ ଶୁଭେଚ୍ଛାକୁ ସମ୍ମାନ ଜଣାଇ ଇସ୍ରୋ କହିଛି, ଭାରତୀୟ ମହାକାଶ ଗବେଷଣା ସଂଗଠନ ଆଗାମୀ ଦିନରେ ଭାରତୀୟମାନଙ୍କ ସ୍ଵପ୍ନ ପୁରାଣ କରିବାରେ ସଫଳତା ହାସଲ କରିବ।
