ଚୌଦ୍ୱାର : ଅଯୋଦ୍ଧାରେ ପ୍ରଭୁ ଶ୍ରୀରାମଙ୍କ ପ୍ରାଣ ପ୍ରତିଷ୍ଠା ଉତ୍ସବକୁ ସାରା ଭାରତବାସୀ ପାଳନ କରୁଥିବା ବେଳେ ଚୌଦ୍ୱାର ସହରବାସୀ ମଧ୍ୟ ଏହି ଖୁସିରେ ସାମିଲ ହୋଇଛନ୍ତି। ସୋମବାର ଚୌଦ୍ୱାର ସହର ଏହାର ଆଖପାଖ ଅଞ୍ଚଳବାସୀ ଘରେଘରେ ମୁରୁଜ ପକାଇ ମଙ୍ଗଳ କଳସ ସ୍ଥାପନା କରିଥିଲେ। ବିଭିନ୍ନ ସାହି ବସ୍ତିର ଯୁବକ ମାନେ ହାତରେ ରାମଲଲାଙ୍କ ପ୍ରତିଛବି ଥିବା ପତାକା ଧରି ବିଭିନ୍ନ ନାରାବାଜି ଦେଇ ସହର ପରିକ୍ରମା କରୁଥିବା ଦେଖିବାକୁ ମିଳିଥିଲା। ଅନ୍ୟପଟେ ଅଯୋଦ୍ଧାରୁ ରାମଲଲାଙ୍କ ପ୍ରାଣ ପ୍ରତିଷ୍ଠା କାର୍ଯ୍ୟକ୍ରମର ସିଧା ପ୍ରସାରଣକୁ ଏଲଇଡି ମାଧ୍ୟମରେ ବିଭିନ୍ନ ଛକ ଜାଗା ମାନଙ୍କରେ ପ୍ରଦର୍ଶୀତ କରାଯାଇ ଥିବା ବେଳେ ପ୍ରବଳ ଜନସମାଗମ ହୋଇଥିଲା।
ଚୌଦ୍ୱାର ଇମ୍ଫା ପରିସରରେ ଥିବା ରାମ ମନ୍ଦିର,ନୁନଟିକିରି ହନୁମାନ ମନ୍ଦିର,ଚୌଦ୍ୱାର ଗ୍ରାମ ବ୍ରାହ୍ମଣ ସାହି ସ୍ଥିତ କପାଳେଶ୍ୱର ରାମଲୀଳା ପରିଷଦ,ମହାବଳେଶ୍ୱର ପଞ୍ଚମୁଖୀ ହନୁମାନ,ମଙ୍ଗଳା ସାହି ରାମଲୀଳା ଅନୁଷ୍ଠାନ,ଓଟିଏମ ମିଲ ପରିସରରେ ଥିବା ହନୁମାନ ଜୀୟୁ,କପାଳେଶ୍ୱର ନୁଆସାହି ହନୁମାନ ମନ୍ଦିର ଆଦି ସ୍ଥାନ ମାନଙ୍କରେ କାର୍ଯ୍ୟକ୍ରମକୁ ଆଡମ୍ବର ଭାବେ ପାଳନ କରାଯାଇଥିଲା। ସଂନ୍ଧାରେ ଅଞ୍ଚଳରରେ ଥିବା ବିଭିନ୍ନ ମନ୍ଦିରରେ ପ୍ରଦୀପ ପ୍ରଜ୍ୱଳନ ସହିତ ଭଜନ ସଂନ୍ଧ୍ୟା ଓ ପ୍ରସାଦ ସେବନ କାର୍ଯ୍ୟକ୍ରମ ଅନୁଷ୍ଠିତ ହୋଇଛି।
Comments are closed.