ଭୁବନେଶ୍ଵର: ଆଜି ଅପରାହ୍ନରେ ରାଜ୍ୟ କ୍ୟାବିନେଟର ଗୁରୁତ୍ଵପୂର୍ଣ୍ଣ ବୈଠକ ବସିବ। ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କ ଅଧ୍ୟକ୍ଷତାରେ ବୈଠକ ଅନୁଷ୍ଠିତ ହେବ। ଏଥିରେ ବହୁ ପ୍ରସ୍ତାବକୁ ଅନୁମୋଦନ ମିଳିପାରେ। ବିଶେଷ କରି କାଳିଆ ଏବଂ ଛାତ୍ରବୃତ୍ତି ଯୋଜନା ଉପରେ ମୋହର ବାଜିପାରେ। ଏହାବ୍ୟତୀତ କୃଷି, ଜଳସମ୍ପଦ ଏବଂ ସ୍ବାସ୍ଥ୍ୟ ବିଭାଗର ଅନେକ ପ୍ରସ୍ତାବ ଆସିପାରେ। ଆଗକୁ ନିର୍ବାଚନ ଥିବାରୁ ଏହି କ୍ୟାବିନେଟ ବୈଠକ ରାଜ୍ୟ ସରକାରଙ୍କ ପାଇଁ ବେଶ ଗୁରୁତ୍ଵପୂର୍ଣ୍ଣ ବୋଲି ଆଲୋଚନା ହେଉଛି।