ଭିଡିଓରେ ଦୁଃଖଦ ଦୃଶ୍ୟ: ବସରେ ଅଳସ ଭାଙ୍ଗୁଥିଲେ କଣ୍ଡକ୍ଟର, ଚାଲିଗଲା ଜୀବନ

ସମାଜ ଡିଜିଟାଲ ଡେସ୍କ: ମୃତ୍ୟୁ କେତେବେଳେ କିପରି ଆସିବ ତାହା କହିବା କଷ୍ଟକର। ଏମିତି ଏକ ଦୁଃଖଦ ଦୃଶ୍ୟ ଦେଖିବାକୁ ମିଳିଛି ଗୋଟିଏ ବସରେ। ଜଣେ କଣ୍ଡକ୍ଟର ବସରେ ଯାତ୍ରା କରିବା ସମୟରେ ହୃଦଘାତର ଶିକାର ହୋଇଛନ୍ତି। କ୍ଷଣିକ ମଧ୍ୟରେ ତାଙ୍କ ଜୀବନ ଚାଲିଯାଇଛି। ସାମାଜିକ ଗଣମାଧ୍ୟରେ ପ୍ରସାରିତ ହେଉଥିବା ଏହି ଭିଡିଓ ସମସ୍ତଙ୍କୁ ହତବାକ କରିଛି।

#WATCH मध्य प्रदेश के खरगोन जिले में एक चलती बस में कंडक्टर को हॉर्टअटैक आने की घटना सीसीटीवी में कैद हो गई है। वीडियो महज 30 सेकंड का है जिसमें देखते ही देखते कंडक्टर की मौत हो जाती है। #ViralVideos #MadhyaPradesh pic.twitter.com/lmOxZZNS4b

— Krishna Bihari Singh (@KrishnaBihariS2) May 23, 2023

ଘଟଣାଟି ମଧ୍ୟପ୍ରଦେଶର ଖରଗୋନ ଜିଲାର ବୋଲି ଜଣାପଡ଼ିଛି। ଭିଡିଓରେ ଦେଖିବାକୁ ମିଳିଛି ଯେ, ବସର କଣ୍ଡକ୍ଟର ଆଗ ସିଟରେ ବସିଛନ୍ତି। କିଛି ସମୟ ପରେ ସେ ହାତକୁ ଉପରକୁ ଉଠାଇ ଅଳସ ଭାଙ୍ଗୁଥିଲେ। ହେଲେ ହଠାତ ସେ ସେହିଠାରେ ନିସ୍ତେଜ ହୋଇଯାଇଥିଲେ। ପାଖ ସିଟରେ ବସିଥିବା ଜଣେ ବୟସ୍କ ଯାତ୍ରୀ ତାଙ୍କୁ ଧରିବାକୁ ଉଦ୍ୟମ କରିଥିଲେ। କିନ୍ତୁ ସେତେବେଳକୁ ତାଙ୍କ ଜୀବନ ଦୀପ ଲିଭିଯାଇଥିଲା। ମାତ୍ର ୧୦ ସେକେଣ୍ଡରେ କଣ୍ଡକ୍ଟର ଜଣକ ଆଖି ବୁଜି ଦେଇଥିଲେ।