ଅହମଦାବାଦ : ଗୁଜୁରାଟ ଖେଡା ଜିଲା ନାଡିଆଡ ସହରରେ ପ୍ରବଳ ବର୍ଷା ମଧ୍ୟରେ ଶୁକ୍ରବାର ବିଳମ୍ବିତ ରାତିରେ ଏକ ୩ ମହଲା କୋଠା ଭୁଶୁଡ଼ି ୪ ଜଣଙ୍କ ମୃତ୍ୟୁ ଘଟିଛି ଓ ୫ ଜଣ ଗୁରୁତର ହୋଇଛନ୍ତି। ମୃତକଙ୍କ ମଧ୍ୟରେ ଜଣେ ୧ ବର୍ଷିଆ ଶିଶୁ ରହିଛି।
ଖେଡା ଏସପି ଦିବ୍ୟା ମିଶ୍ର ଶନିବାର କହିଛନ୍ତି ଯେ ପ୍ରଗତିନଗର ଅଞ୍ଚଳରେ ଶୁକ୍ରବାର ବିଳମ୍ବିତ ରାତିରେ ଏକ କୋଠା ଭୁଶୁଡ଼ି ପଡିଥିଲା। କୋଠା ଭଗ୍ନାଂବଶେଷ ତଳେ ୯ ଜଣ ଚାପି ହୋଇରହିଥିଲେ। ଉଦ୍ଧାର ପରେ ୪ ଜଣଙ୍କ ମୃତ୍ୟୁ ଘଟିଥିବା ଜଣାପଡିଥିଲା। ଅନ୍ୟ ୫ ଜଣଙ୍କୁ ଗୁରୁତର ଅବସ୍ଥାରେ ହସ୍ପିଟାଲରେ ଭର୍ତ୍ତି କରାଯାଇଛି। ଶନିବାର ସକାଳ ୬ଟାରେ ଉଦ୍ଧାର ଅଭିଯାନ ଶେଷ ହୋଇଥିଲା। ଏହି ଉଦ୍ଧାର ଅଭିଯାନରେ ଜିଲା ପୁଲିସ୍, ଏନଡିଆରଏଫ ଓ ଅଗ୍ନିଶମ ବାହିନୀ ସାମିଲ ହୋଇଥିଲେ।
