ବେଗୁନିଆ: ବେଗୁନିଆ ଥାନା ଅଞ୍ଚଳର ବିଭିନ୍ନ ଜାଗାରେ ମଦ ବେପାରୀ ମାନେ ଦେଶୀ ମଦ ପ୍ରସ୍ତୁତ କରି ଏଠାରେ ବିକ୍ରି କରୁଥିବା ବେଳେ ବାହାର ଅଞ୍ଚଳକୁ ଚାଲାଣ କରୁଛନ୍ତି। ଏହି ଭେଜାଲ ମଦକୁ ପିଇ ଲୋକମାନେ ମୃତ୍ୟୁ ମୁଖରେ ପଡୁଥିବାବେଳେ ସେମାନଙ୍କର ପରିବାର ଉଚ୍ଛନ୍ନ ମଧ୍ୟ ହେଉଛି। ବେଗୁନିଆ ଥାନା ଅଧିକାରୀ ରଶ୍ମିରଞ୍ଜନ ସାହୁ ଗତକାଲି ଅପରାହ୍ନରେ ଏହି ଥାନା ଅନ୍ତର୍ଗତ ଏକଡାଳିଆ ଆମ୍ବ ବଗିଚାରେ ଚଢ଼ାଉ କରି ୩୦ ଲିଟର ଦେଶୀ ମଦ ଜବତ କରିବା ସହିତ ୮ଶହ ଲିଟର ପୋଚ ନଷ୍ଟ କରିଥିଲେ। କିନ୍ତୁ ଏହି ଘଟଣାରେ ପୁଲିସ କାହାରିକୁ ଗିରଫ କରିପାରି ନ ଥିବା ବେଳେ ଏବଂ ଏହି ଘଟଣାର ୨୪ ଘଣ୍ଟା ନପୁରୁଣୁ ଆଜି ଅପରାହ୍ନରେ ପୁନଶ୍ଚ ଥାନା ଅଧିକାରୀ ବିଶ୍ୱସ୍ତ ସୂତ୍ରରୁ ଖବର ପାଇ ଏସ ଆଇ ଗାୟତ୍ରୀ ଗୋଛକ୍ଷୟତଙ୍କ ସହିତ ଥାନା କର୍ମଚାରୀ ମାନଙ୍କୁ ନେଇ ସକ୍ଷନପଦର ପଂଚାୟତ ଅନ୍ତର୍ଗତ ରାସୋଳ କାଜୁ ଜଙ୍ଗଲ ଉପରେ ଚଢ଼ାଉ କରିଥିଲେ। ମଦ ପ୍ରସ୍ତୁତ କରୁଥିବା ଅଭିଯୁକ୍ତ ମାନେ ପୁଲିସ ଚଢ଼ାଉ ଖବର ପାଇ ଘଟଣାସ୍ଥଳରୁ ଫେରାର ହୋଇଯାଇଥିଲେ। ପୁଲିସ ସେଠାରୁ ୧ ଶହ ଲିଟର ଦେଶୀ ମଦ ଜବତ କରିଥିବା ବେଳେ ୩ହଜାର ଲିଟର ପୋଚକୁ ନଷ୍ଟ କରିଦେଇଛି। ପୋଲିସ ସେଠାରୁ ଏକ ବାଇକ ସହିତ ପ୍ଲାଷ୍ଟିକ ଡ୍ରମ ,ଟିଣ ଡ୍ରମ ଜାରକିନ ,ରସ ଡେକଚି ,ୟୁରିଆ ସାର ୧ବସ୍ତା ସହିତ ଅନ୍ୟାନ ସରଞ୍ଜାମ ଜବତ କରିଛି କ୍ଷ ଏ ନେଇ ଥାନାରେ ଏକ ମାମଲା୨୫୪/୨୦ ରୁଜୁ କରାଯାଇ ଘଟଣାର ତଦନ୍ତ ଜାରି ରହିଛି।
Comments are closed.