ବନ୍ତ: ବନ୍ତ ଥାନା ଅଧୀନ ୫୩ ନମ୍ବର ରାଜପଥର ତାରିଣୀ ମନ୍ଦିର ନିକଟରେ ବୁଧବାର ଏକ ଟ୍ୟାଙ୍କର ଧକ୍କାରେ ଜଣେ ବ୍ୟବସାୟୀଙ୍କ ମୃତ୍ୟୁ ଘଟିଛି। ମୃତକ ଜଣକ ହେଉଛନ୍ତି ଚାଇଁପୁର ଗ୍ରାମର ଘୁରୁଡି ଜେନାଙ୍କ ପୁତ୍ର ଶରତ ଜେନା(୫୮)। ଶରତ ନିଜ ଘରୁ ବ୍ୟବସାୟ କରିବା ପାଇଁ ବନ୍ତ ହାଟକୁ ସାଇକେଲରେ ଆସୁଥିଲେ। ୫୩ ନମ୍ବର ରାଜପଥର ତାରିଣୀ ମନ୍ଦିରର ଅନତି ଦୂରରେ ଆନନ୍ଦପୁର ପଟୁ ଆସୁଥିବା ଏକ ତେଲ ଟ୍ୟାଙ୍କର ତାଙ୍କୁ ପଛପଟୁ ଧକ୍କା ଦେଇଥିଲା। ଫଳରେ ଘଟଣା ସ୍ଥଳରେ ତାଙ୍କର ମୃତ୍ୟୁ ଘଟିଥିଲା। ଅପରପକ୍ଷେ ସ୍ଥାନୀୟ ଲୋକେ ଟ୍ରକଟିକୁ ଅଟକ ରଖିବା ସହ ରାସ୍ତା ରୋକ୍ କରିଛନ୍ତି। ମୃତକ ଅତ୍ୟନ୍ତ ଦରିଦ୍ର ଶ୍ରେଣୀର ହୋଇଥିବାରୁ ତାଙ୍କ ପରବାରକୁ କ୍ଷତିପୂରଣ ଯୋଗାଇ ଦେବାକୁ ଦାବି ହୋଇଛି। ଘଟଣା ସ୍ଥଳରେ ବନ୍ତ ପୁଲିସ ପହଞ୍ଚି ତଦନ୍ତ ଜାରି ରଖିଛି।
Comments are closed.