ଗୋପାଳପୁର : ଜାତୀୟ ରାଜପଥ ନଂ ୧୬ର କନିଷି ଗାଁ ଛକଠାରେ ସୋମବାର ରାତି ସାଢେ଼ ୯ ଟାବେଳେ ଏକ ବୋଲେରୋ ଧକ୍କାରେ ମୋଟରସାଇକେଲରେ ଯାଉଥିବା ଜଣେ ଯୁବକଙ୍କ ମୃତ୍ୟୁ ଘଟିଛି। ଗତ ଦୁଇଦିନ ମଧ୍ୟରେ ହଳଦିଆପଦର, ଗୋବିନ୍ଦ ନଗର ଛକ ସମେତ କନିଷି ଗାଁ ଛକଠାରେ ତିନି ଜଣଙ୍କ ମୃତ୍ୟୁ ଘଟିଲାଣି ।
ସୋମବାର ରାତି ସାଢେ଼ ୯ ଟାବେଳେ ପଡୋଶୀ ଆନ୍ଧ୍ରପ୍ରଦେଶର ଦୁଇ ଜଣ ଯୁବକ ମୋଟରସାଇକେଲ ଯୋଗେ ବ୍ରହ୍ମପୁରରୁ ଗାଁକୁ ଫେରୁଥିବାବେଳେ କନିଷି ଗାଁ ଛକଠାରେ ଏକ ଦ୍ରୁତଗାମୀ ବୋଲେରୋ ପଛପଟୁ ଧକ୍କା ଦେଇଥିଲା। ଫଳରେ ମୋଟର ସାଇକେଲ ପଛରେ ବସିଥିବା ଯୁବକଙ୍କ ଘଟଣାସ୍ଥଳରେ ମୃତ୍ୟୁ ଘଟିଥିଲା। ମୋଟରସାଇକେଲ ଚାଳକ ଆହତ ହୋଇଥିଲେ।
ମୃତକ ଜଣଙ୍କ ଆନ୍ଧ୍ରପ୍ରଦେଶ ରାଜ୍ୟର ଶ୍ରୀକାକୁଲମ ଜିଲା କତୁରୁ ଥାନା ଅଧିନସ୍ଥ କୁମାର ଭେଡି ଗ୍ରାମର କେ ମଧୁ ବୋଲି ସୂଚନା ମିଳିଛି । ଖବର ପାଇ ପୁଲିସ ଘଟଣାସ୍ଥଳରେ ପହଞ୍ଚି ମୃତଦେହକୁ ଜବତ କରି ବ୍ରହ୍ମପୁର ବଡ଼ ମେଡିକାଲକୁ ବ୍ୟବଛେଦ ନିମନ୍ତେ ପଠେଇଥିଲା । ମଙ୍ଗଳବାର ମୃତଦେହକୁ ପରିବାର ଲୋକଙ୍କୁ ହସ୍ତାନ୍ତର କରାଯାଇଛି ।
Comments are closed.