ଲାଞ୍ଜିଗଡ଼: ଲାଞ୍ଜିଗଡ଼ସ୍ଥିତ ବେଦାନ୍ତ ଲିମିଟେଡ୍ ପାୱାର ପ୍ଲାଣ୍ଟ ଦାୟିତ୍ୱରେ ଥିବା ସୁନାମଧନ୍ୟ ଚେନ୍ନାଇରାଧା ଇଞ୍ଜିନିୟରିଂ ୱାର୍କ୍ସର ଅଧ୍ୟକ୍ଷ ତଥା ପରିଚାଳନା ନିର୍ଦ୍ଦେଶକ ଏସ୍. ଭେଙ୍କଟେସନ୍ଙ୍କ ୭୭ତମ ଜନ୍ମ ଜୟନ୍ତୀ ଅବସରରେ ଆଜି ଲାଞ୍ଜିଗଡ଼ସ୍ଥିତ ବେଦାନ୍ତ ଲିମିଟେଡ୍ ପ୍ଲାଣ୍ଟ ହସ୍ପିଟାଲ ପରିସରରେ ଏକ ସ୍ୱେଚ୍ଛାକୃତ ରକ୍ତଦାନ ଶିବିର ଅନୁଷ୍ଠିତ ହୋଇଯାଇଛି। ଚେନ୍ନାଇରାଧା ଇଞ୍ଜିନିୟରିଂ ୱାର୍କସ ଏବଂ ବେଦାନ୍ତ ଲିମିଟେଡର ମିଳିତ ଆନୁକୂଲ୍ୟରେ ଅନୁଷ୍ଠିତ ରକ୍ତଦାନ ଶିବିରକୁ ବେଦାନ୍ତ ଲିମିଟେଡ ପାୱାର ପ୍ଲାଣ୍ଟ ମୁଖ୍ୟ ସୁସୀମ ବେହେରା ଉଦ୍ଘାଟନ କରିଥିବାବେଳେ ସମ୍ମାନିତ ଅତିଥି ଭାବେ ବେଦାନ୍ତ ଲିମିଟେଡ ମୁଖ୍ୟ ଚିକିତ୍ସାଧିକାରୀ ଡା. ଅକ୍ଷୟ କୁମାର ସାହୁ, ଚେନ୍ନାଇରାଧାର ରେସିଡେଣ୍ଟ ମ୍ୟାନେଜର ଦିଲିପ କୁମାର ସ୍ୱାଇଁ ପ୍ରମୁଖ ଯୋଗ ଦେଇଥିଲେ। ଚେନାଇରାଧାର ସମସ୍ତ କର୍ମଚାରୀଙ୍କ ସହିତ ବେଦାନ୍ତ ପ୍ଲାଣ୍ଟ ହସ୍ପିଟାଲ ପକ୍ଷରୁ ଅତନୁ ମହାପାତ୍ର, ଧନଞ୍ଜୟ ଦୀପ, ନିହାରରଞ୍ଜନ ପଣ୍ଡା, ଆଶିଷ ସ୍ୱାଇଁ, ଥୋମାସ ହିଆଲ, ପଙ୍କଜିନୀ ରାଉତ, ଲମ୍ବୋଦର ସାହୁ, ସୁମନ କୁମାର ସାହୁ ପ୍ରମୁଖ ଶିବିର ପରିଚାଳନା କରିଥିଲେ। ଭବାନୀପାଟଣା ରକ୍ତଭଣ୍ଡାର ତରଫରୁ ଅଜିତ ନାଏକ, ଡମ୍ବରୁଧର ସାହୁ, ଗିରିଶ କୁମାର ନାଏକ, ସଞ୍ଜୀବ ମହାକୁଡ ପ୍ରମୁଖ ରକ୍ତ ସଂଗ୍ରହ କରିଥିଲେ। ଏହି ଅବସରରେ ୬୨ ୟୁନିଟ୍ ରକ୍ତ ସଂଗୃହୀତ ହୋଇଥିଲା।
ଅନ୍ୟପକ୍ଷରେ ଅଧ୍ୟକ୍ଷ ତଥା ପରିଚାଳନା ନିର୍ଦ୍ଦେଶକଙ୍କ ଜନ୍ମଦିନକୁ ପାଳନ କରିବାକୁ ଯାଇ ଚେନ୍ନାଇରାଧା ପକ୍ଷରୁ ବେଦାନ୍ତ ପାଉଁଶ ପୋଖରୀ କଡରେ ୭୭ଗୋଟି ବୃକ୍ଷରୋପଣ କରାଯାଇଥିଲା। ଏହାସହିତ ମୁନିଗୁଡା ନ୍ୟୁ ହୋପ ପୁନର୍ବାସ କେନ୍ଦ୍ରଠାରେ କୁଷ୍ଠରୋଗୀଙ୍କୁ ଖାଦ୍ୟ ବଣ୍ଟନ କରାଯାଇଥିଲା।
Comments are closed.