ବାଙ୍କୀ : ଡମପଡା ବ୍ଲକ ଅନ୍ତର୍ଗତ ଶିମିଳିପୁର, ହରିରାଜପୁର, ବିଲିପଡା, ରଗଡି, ଗୋପାଳପୁର, ଦୁର୍ଗାପୁର, ଢଁସର, ତୂଳସୀପୁର ଓ ନରଗାଙ୍ଗ ଗ୍ରାମପଞ୍ଚାୟତର ୬ଟି କେନ୍ଦ୍ରରେ ବୁଧବାର ଦିନ ପର୍ଯ୍ୟାୟକ୍ରମେ ବିଜୁ ସ୍ୱାସ୍ଥ୍ୟ ସ୍ମାର୍ଟ କାର୍ଡ ବଣ୍ଟନକରାଯାଇଛି । ବାଙ୍କୀ ବିଧାୟକ ଦେବୀରଞ୍ଜନ ତ୍ରିପାଠୀ ରଗଡି ପଞ୍ଚାୟତର ସରକାରୀ ବି.ଏସ୍ ନୋଡାଲ ହାଇସ୍କୁଲ ପରିସରରେ ଗୋପାଳପୁର ଓ ରଗଡି ପଞ୍ଚାୟତର ସ୍ମାର୍ଟ କାର୍ଡ ବଣ୍ଟନ କାର୍ଯ୍ୟ ଆରମ୍ଭ କରିଛନ୍ତି । ଏହି କାର୍ଯ୍ୟକ୍ରମରେ ବିଡିଓ ଶ୍ୟାମଳ କୁମାର ରାୟ, ବ୍ଲକ ଅଧ୍ୟକ୍ଷ ସୂର୍ଯ୍ୟନାରାୟଣ ପାତ୍ର, ଜିଲ୍ଲାପରିଷଦ ସଦସ୍ୟ ତ୍ରିଲୋଚନ ରାଉତ, ସହକାରୀ ଯନ୍ତ୍ରୀ ପ୍ରଭାତ କୁମାର ରାଉତ,ସ୍ଥାନୀୟ ସରପଞ୍ଚ ଖଗେନ୍ଦ୍ର ସେଠୀ, ସମିତି ସଭ୍ୟ ପ୍ରତିମା ବେହେରା ଏବଂ ଅଜିତ କୁମାର ଜେନା ପ୍ରମୁଖ ସମ୍ମାନିତ ଅତିଥି ଭାବରେ କାର୍ଯ୍ୟକ୍ରମର ଆଭିମୁଖ୍ୟ ପ୍ରଦାନ କରିଥିଲେ। ସେହିପରି ଆଜି ନରଗାଙ୍ଗ ୟୁଜିଏମଇ ସ୍କୁଲ,ଢଁସର ୟୁଜିଏମଇ ନୋଡାଲ ସ୍କୁଲ, ରାମଚନ୍ଦ୍ରପୁର ନୋଡା ୟୁଜିଏମଇ ସ୍କୁଲ ଏବଂ ହରିରାଜପୁର ଆରସି ପଣ୍ଡା ୟୁଜିଏମଇ ସ୍କୁଲରେ ଶିମିଳିପୁର, ହରିରାଜପୁର ଓ ବିଲିପଡା ପଞ୍ଚାୟତ ପାଇଁ ବିଧାୟକ ସ୍ମାଟ କାର୍ଡ ବଣ୍ଟନର ଶୁଭାରମ୍ଭ କରିଛନ୍ତି।
Popular Categories
Previous article
Next article